Luka 7:14 - Bhiblia Yo Sawuleka

¹⁴ Sekoko, a txi tshuketa hafuhi, a txi gwesa dibhokiso da txirumbi, se avale va nga ti txi rwala va to ema. Konako, Ene a to womba a txi khene: “Dijaha, ni khani: Wuka!”

Luka 7:14 Referans Kwoze

Johani 5:25

Ngu ditshuri, ngu ditshuri, na mi gela ku khani: Yata mbimo, kambe yi hokile konkuwa, ayi vafi va no engisa dipswi da Mwanana wa Txizimu, se ava va no di engisa va na hanya.

Johani 11:25

Se Jesu a txi khene: “Ani ngani Kuwuka ni Wutomi; awule a kholwako kwangu, hambi a di fite, a na hanya.

1 Vafumeli 17:21

Sekoko Elija a to bubuma kuraru txitimwi ka mwanana, e khongela ka Txizimu, a txi khene: Awe Mkoma, Txizimu txangu, na ku kombela ku u tshumeta moya ka mfana wuwa.

Varoma 4:17

madingano ni ti ti nga bhalwa, va txi kha vona: “Ani ni kumahile tate wa tixaka ta tingi.” Ene i tate wathu masoni ka Txizimu txi a nga kholwa ka txona, Txizimu txi txi hanyisako vakufa, txi vangako ni si si ku si nga ho.

Johani 5:21

Nga kuwa Tate a wusako vafi e va hanyisa, nene Mwanana wa hanyisa ava a va randako.

Isaya 26:19

Vafi vako va na hanya, vafi vako va na wuka; vhumukani, kambe giyani, anu mi zumbako lithuluni, nguko mwando wako, awe Txizimu, wu na fana ni mwando wa mwasi, se mafu ma na tshotsha mapune vafi.

Masalmo 33:9

Nguko a to womba, se sotshe si maheka; a to ruma, se sotshe si humelela.

Jobe 14:14

Ina m'thu a txi fa, a nga tshumela e hanya kani? Otshe masiku a kulwa kwangu, ni na verela, kala kuza kumaneka kutxitxa kwangu.

Jobe 14:12

Ngu kumaha keto, m'thu wa otela asi wuki kambe; kala kuza ku si maneki kambe nzuma, kha na mbi wuka, hambi kukhukha ngu wukoheni kwakwe.

Vaefesu 5:12

Nguko ati vona va ti mahako ngu kusisa, ta yila ni ku ti womba.

1 Vafumeli 17:22

Se Mkoma a to engisa dipswi da Elija. Se moya wa mfana wu to tshumelela kwakwe, e tshumela e hanya.

Marku 5:41

Se a di mu ñote ngu diwoko a to womba a txi khene: “Talita kumi!” Ati ti wombako ku: “Txihoranana ni khani kwako, wuka!”

Luka 7:13

Mkoma, mbimo yi a nga mu wona, a to mpfela wusiwana, a txi khene kwakwe: “U nga dile!”

Luka 7:15

Konako, mufi a to khalahatsha a txi khata kuwombawomba. Se Jesu a to mningela ka mame wakwe.

Luka 7:17

Se mahungu awa ma to hangalaka ni dotshe ditiko da Judheya ni ka otshe maphambo a hafuhi.