Luka 7:13 - Bhiblia Yo Sawuleka

¹³ Mkoma, mbimo yi a nga mu wona, a to mpfela wusiwana, a txi khene kwakwe: “U nga dile!”

Luka 7:13 Referans Kwoze

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Masalmo 103:13

Mkoma mbwa kuthutha ka vale va m'thavako kufana ni tate wo thutha ka vanana vakwe.

Vahebheru 4:15

Nguko, Mphaxeli wathu wa Hombe, hi ku nayo, hi nga ene wo sindwa ku hi pfela wusiwana ka sionho sathu, nguko nene a dukilwe ka totshe tinzila, kufana ni nathu, kambe kha maha txionho.

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

Luka 8:52

Kambe va ti ha masalukoni, va txi dila ngu ngene. Se Jesu a txi khene: “Mi nga dileni. Kha fa, a to otela.”

Jeremiya 31:20

Ina Efrayime hi nga mwanangu a randekako kani? Txirandwa ngu mbilu kani? Nguko hambi ni txi m'wukela, na khumbula ngu kupinda mpimo mbilu yangu ya bhibhikela ngu mhaka yakwe, kambe ni na m'hawukela, kuwomba Mkoma.

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

Johani 20:15

Jesu a txi khene kwakwe: “Wamsikati, u dilela txani kani? U lava mani kani?” Ene, ngu kupimisa ti to i mxayisi wa thembwe ya siluva, a to khene kwakwe: “Mkoma, ngako i di awe u nga mu thavisa, ni gele ahawa u nga mu veka kona, ni na ya mu teka.”

Marku 8:2

“Ni pfela wusiwana dibutho diya, nguko masiku mararu va di zumbile ni nani, va si na sakudya.

Valamuli 10:16

Se va to thavisa sizimu sa vamatiko hagari kwawe, ve thumela Mkoma; sekoko Mkoma a to pandiseka dihikani kwakwe ngu mhaka ya kuxaniseka ka va ka Israyeli.

Johani 11:2

Mariya ngu wule a nga tota mafura Mkoma, e tshumela e bahulela mikondo yakwe ngu misisi yakwe. Lazaro, awu a nga ti lwala, i ti ndiyakwe.

Luka 24:34

ava va nga va gela va txi kha vona: “Ngu ditshuri, Mkoma a wukile; kambe a ti wonekisile ka Simoni!”

Luka 17:5

Vapostoli va wombile ka Mkoma va txi kha vona: “Hi engetele likholo!”

1 Vakorinto 7:30

ava va dilako va ne nga kha va dili; ava va tsakako va ne nga kha va tsaki, ava va xavako va ne nga kha va nga ni txilo;

Johani 20:13

Ti wombile kwakwe ti txi kha tona: “Wamsikati, u dilela txani kani?” Ene a to khene ka tona: “Nguko va thavisile Mkoma wangu, se kha ni kuzivi amu va nga mu veka kona.”

Luka 13:15

Aniko Mkoma a mu xamute a txi khene: “Anu vaxengeteli, ina mmwani ni mmwani kwanu kha thukunyuli homu mwendo mbongola yakwe, ngu txibalani, a txi yi yisa kuselani ka mati ngu Sabbata kani?

Luka 10:1

Msana keto, Mkoma a to sawula vamwani vagondiswa va mtxhanu wa magumi ni magumi mambidi, ni vagondiswa vambidi, a txi va rumela, ngu vambidi-vambidi, a txi va thangetisa masoni kwakwe, kuya ka yotshe miti ni otshe makhalo awa Ene a nga ti fanela kuya.

Luka 7:19

Se Johani a to dhana vagondiswa vakwe va vambidi, e va ruma ka Jesu, kuya wotisa va txi kha vona: “Ngawe awu a tako mwendo hi ngadi hi verela mmwani kani?”

1 Vatesalonika 4:13

Kha hi ti lavi ku mi sisela timhaka ta vale va nga otela wukohe wa lifo, ti to mi si zumbi mi txi xaniseka, nga vale va ku si nga ni txithembo.

Luka 22:61

Mkoma a to tshembereka a txi wonetela Pedro, se Pedro a txi khumbula dipswi da Mkoma, a nga mu gela ku khene: “Na mkuku wu sanzi kuemba, nyamsi awe u na ni lamba kararu.”

Luka 7:12

Mbimo yi a nga hoka ha diphangoni ka didhoropa, a to manana ni vathu, va nga txi huma, va txi heleketa m'thu wa kufa, awu i nga ti mwanana wammweyo ekha wa mame wakwe wa noni; vavangi va kuhuma didhoropani va ti kumweko nayo mame wule wa noni.

Luka 7:14

Sekoko, a txi tshuketa hafuhi, a txi gwesa dibhokiso da txirumbi, se avale va nga ti txi rwala va to ema. Konako, Ene a to womba a txi khene: “Dijaha, ni khani: Wuka!”

Luka 11:1

Ku ti ngako Jesu a txi khongela ka wukhalo wokari, txikhati txi a nga gwita, mmweyo ka vagondiswa vakwe a to mkombela a txi khene: “Mkoma, hi gondise kukhongela, nga Johani nene a nga gondisa vagondiswa vakwe.”

Luka 11:39

Se Mkoma a txi khene kwakwe: “Kunene, anu Vafarisi mi kuwula m'hindo ni mbiya hahanze ka sona, kuve mndani mi tate ngu kupa ni tshofu.

Luka 12:42

Mkoma a xamute a txi khene: “Ngu wuhi muwoneleti wo thembeka ni kutxhariha, awu Mkoma a no mu veka masoni ka sithumi, kasiku e avela sakudya ngu mbimo yi yi lavekako kani?

Luka 17:6

Mkoma a xamute a txi khene: “Idiku mo va ni likholo lo fana ni nyingi ya txinapi, mi ndi na gela mmora wuwa mi txi khanu: ‘Ti dule u txi ya ti phaya upune lineneni.’ Se wona wu ndi na mi engisa.”

Luka 18:6

Mkoma a engetile a txi khene: “Engisani mapswi awa ma wombwako ngu mlamuli wu wo mbi lulama!

Luka 19:8

Zakewu ene, a di emile, a ti khene ka Mkoma: “Mkoma, ni lava kuninga sisiwana hafu ya yotshe thomba yangu, se ngako a diho awu ni nga mu dyelela, ni na mu tshumetela sile ni nga mu pela, si di engetetwe ka mune.”

Luka 24:3

Ku ti ngako va di wulete, kha va mana txirumbi txa Mkoma Jesu.

Johani 4:1

Jesu a ti zivile ti to Vafarisi va engisile vathu va txi womba ku ene wa pala Johani kumana vagondiswa ni kubhabhatisa vathu.

Johani 6:23

Hambi keto, timwani tingalava, ta kuta ngu Tibheriyadhe, ti ti hokile hafuhi ni hawa va nga dyela kona mapawu, ngako Mkoma a di bongile.

Johani 11:3

Tindiyakwe tiya, ngu tona ti nga rumela kuya gela Jesu, va txi kha vona: “Mkoma, awule u mu randako wa lwala.”