Luka 7:12 - Bhiblia Yo Sawuleka

¹² Mbimo yi a nga hoka ha diphangoni ka didhoropa, a to manana ni vathu, va nga txi huma, va txi heleketa m'thu wa kufa, awu i nga ti mwanana wammweyo ekha wa mame wakwe wa noni; vavangi va kuhuma didhoropani va ti kumweko nayo mame wule wa noni.

Luka 7:12 Referans Kwoze

Luka 8:42

nguko a ti ni mwanana wa txihoranana wammweyo ekha, wa tanga yo lava kuhoka ka digumi da malembe ni mambidi, a nga ti hafuhi ni kufa.

Jakobe 1:27

Nguko, wukholwa wa ditshuri wo mbi na dikhwiti masoni ka Txizimu, Tate wathu, ngu kudingula va vo felwa ngu vaveleki, ni vale i ku tinoni, kuxanisekani kwakwe, ni ku ti vhikela kambe ka nzambwa ya ditiko.

Mithumo 9:41

Pedro a to mñola ngu diwoko e mu emisa, se a di dhani vasawuleki ni tinoni a to mu kombisa masoni kwawe na a txi hanya.

Mithumo 9:39

Se Pedro a to khukha e tsula navo. Ku ti ngako a di hokile, va to mu yisa ka nyumba yile ya txitezini. Votshe vavasikati va tinoni va to ta mu randela na va txi dila, va txi mkomba mikhatxwa ni tinguwo ti Dhorkasi a nga va rungela tona, a di ngadi navo.

Johani 11:19

Vajudha vavangi va tile ka Marta ni Mariya, kasi kuya va thavelela, ngu mhaka ya kufa ka ndiyawe.

Luka 8:52

Kambe va ti ha masalukoni, va txi dila ngu ngene. Se Jesu a txi khene: “Mi nga dileni. Kha fa, a to otela.”

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Jobe 29:13

Txikatekiso txa wule a nga ti ti lova, txi ni hokete, se ani ni ti ti tshumela ni tsakisa mbilu ya noni.

2 Vafumeli 4:20

Se a to mteka e m'heleketa ka mwamwakwe; e zumba hammidi kwakwe, kala hagari ka mitshikari, efa.

2 Vafumeli 4:16

Se Elixa a to khene: Ka yona yiya mbimo, hi txi hanya, u na hingekela mwanana wa mfana. Awule wamsikati a to peka huwa a txi khene: Lambi, awe tata, m'thu wa Txizimu, u nga hembele txithumi txako!

1 Vafumeli 17:23

Se Elija a to txhika ngu txitezi ni mwanana eya mningela ka mwamwakwe nyumbani; a nje khene kha Elija: Wona! Mwanana wako wa hanya.

1 Vafumeli 17:18

Se ene a to khene ka Elija: Njitxani ni ku natxo ni nawe, awe m'thu wa Txizimu kani? U tile kasi ku ta ni wusela wusiwana wangu, u daya mwanana wangu kani?

1 Vafumeli 17:12

Se ene a nje khene: Ni xambanya ngu Mkoma Txizimu a hanyako, hambi txibhubhutela txatxidotho kha ni nga natxo, hahanze ka dianza da mpupu amu ka khadi, ni sitonana amu ka txibhembe; hi nga wona, ni mani tihale timbidi, se ni na si lulamisela ani ni mwanana wangu, hi na dya hi txi fa.

1 Vafumeli 17:9

Khukha u tsula Sarepita, ku manekako Sidhoni, u txi ya zumba kona; wona to ani ni rumile wamsikati wa noni, a ti to e kudyisa.

2 Samuwele 14:7

Se otshe maxaka ma to wukela txithumi txako txa txisikati, ma txi kha ona: Hi ninge wule a nga daya mwanawe i m'daya, ngu mhaka ya wutomi wa mwanawe, awule a nga m'daya, kasiku hi fuvisa txidya thomba etxo. Ngu mamahelo eyo, va na tima dikala di di nga ni salela, ku va si siye ditina da mwamna wangu txitimwi ka mafu.

Genesisi 22:12

Sekoko Ngelozi yi to kha yona: “U nga sanzeke dianza txitimwi ka mfana, kambe u nga mmahe txilo; nguko se na tiziva tito, ngu ditshuri, wa txi thava Txizimu, nguko khwa ni lambela mwanana wako, mwanana wako wammweyo.”

Genesisi 22:2

Txizimu txi to kha txona: “Teka mwanana wako, mwanana wako wammweyo, ene Isaake, awu u m'dhundako ngutu, u tsula ka ditiko da Moriya, ahawa u no ya mningela, u txi mmaha mhamba ya kuhiswa, ka mmango wu ni no kukomba.”

Luka 7:11

Msana keto, ene a to tsula ka didhoropa di dhanwako ku i Nayimi. Vagondiswa vakwe ni vathu vavangi, va to tsula nayo.

Luka 7:13

Mkoma, mbimo yi a nga mu wona, a to mpfela wusiwana, a txi khene kwakwe: “U nga dile!”