Luka 6:6 - Bhiblia Yo Sawuleka

⁶ Ngu dimwani ditshiku da Sabbata, Jesu a to wulela disinagogani a txi gondisa. Se a ti ti ho m'thu, awu diwoko dakwe da txinene di nga ti khwanyete.

Luka 6:6 Referans Kwoze

Johani 5:3

Ka sona sike sileya ku ti zumbile dibutho da hombe da valwali, mabhofu ni vo khwita ni va kuoma sihango, na va txi verela kuvhiluka ka mati.

Luka 4:31

Se a to kwitima eya Kapernawume, didhoropa da Galileya, se e gondisa vathu ngu masiku a Sabbata.

Luka 4:16

Ene a to tsula Nazareta, ahawa a nga kulela kona, se ngu toloveto yakwe, a to wulela disinagogani ngu ditshiku da Sabbata, se a txi khukha a txi ema kasi kugonda dibhuku.

Matewu 4:23

Msana keto, a to khata kutsimbila ka dotshe ditiko da Galileya, a txi gondisa masinagogani, e txhumayela mahungu a maphya a Mfumo, na a txi hanyisa vathu ka otshe malwati ni ka yotshe mipando.

Johani 9:16

Sekoko vamwani Vafarisi va to womba va txi kha vona: “Awuwa m'thu hi nga wa ka Txizimu, nguko kha veketi Sabbata.” Vamwani va txi kha vona: “Ti nga mahisa kutxani ka m'thu wu i ku muonhi, kumaha sidiwukiso siya kani?” Se va to khata kuphikizana ngu txawe.

Luka 14:3

Se Jesu a to womba ka vagondisi va Mlayo ni ka Vafarisi a txi khene: “Ina ta tumeleka kuhanyisa ngu ditshiku da Sabbata mwendo kha ti tumeleki kani?”

Luka 13:10

Jesu a ti gondisa disinagogani ngu ditshiku da Sabbata.

Luka 6:1

Ngu ditshiku da Sabbata, Jesu a to pinda hagari ka tithembwe, se vagondiswa vakwe ve funya maphumbu a silo ve tsikitela ngu manza, ve dya.

1 Vafumeli 13:4

Ku to maheka ti to mbimo yi mfumeli a ngapfa dipswi da m'thu wa Txizimu a nga ti ruketela txiluvelo txa Bheteli, Jerobhowamu a to nawuluta diwoko txitimwi ka txiluvelo, a txi khene: Mñoleni! Aniko diwoko di di nga nawulutwa kwakwe di to oma, asi dikoti ku di wuyisa kwakwe.

Zakariya 11:17

Dikhombo ka m'dyisi wa kwa mbi vhuna txilo, a lekako mtxhambi; ditxhari di na wela txitimwi ka diwoko dakwe, ni txitimwi ka diso dakwe da txinene, diwoko dakwe di na oma dotshe, ni diso dakwe da txinene di na fa.

Luka 6:5

Se a txi khene kwawe: “Mwanana wa M'thu i Mkoma wa yona Sabbata.”