Luka 6:47 - Bhiblia Yo Sawuleka

⁴⁷ Wuhi ni wuhi a tako kwangu, se a txi engisa mapswi angu, e va e ma thumisa, ni na mi kombisa awu a fanako nayo.

Luka 6:47 Referans Kwoze

Luka 11:28

Jesu a txi khene: “Kambe ngutu-ngutu va katekile ava va engisako dipswi da Txizimu, va txi di vekisa.”

Johani 14:15

“Ngako mi txi ni randa, mi na veketa milayo yangu.

Jakobe 4:17

Ngu toneto, awule a zivako kumaha ta tinene, asi mahi, a ni txionho.

Matewu 12:50

Nguko wuhi ni wuhi a no maha kuranda ka Tate wangu a ku nzumani, ngene i ku mwanathu ni ndiyangu ni mame wangu.”

Johani 13:17

Ngako mi txi tiziva tiya ni ku ti thuma, mi katekile.”

1 Pedro 2:4

Ngonani hafuhi ka Mkoma, i ku dirigwi do hanya, adi di nga nyenywa ngu vathu, aniko i ku da kusawulwa ni kudhundeka masoni ka Txizimu.

Vahebheru 5:9

Msana ka kuva a di tatisile tifanelo takwe, a mahile txisima txa wutomi wo mbi guma ka votshelele vale va mu engisako.

Mtuletelo 22:14

Va katekile avale va kuwulako tinguwo tawe kasiku ve mana txyavelo ka mndonga wa wutomi, ni kusikota kuwulela didhoropani ngu ha sikeni ka dona.

Luka 14:26

“Ngako m'thu a txi ta kwangu, na asi vengeli tate wakwe, mame wakwe, msikati wakwe, vanana vakwe, vanawe va mazambi, tindiyakwe, hambi ni wutomi wakwe, kha sikoti kumaha mgondiswa wangu.

1 Johani 3:7

Sivananananu, m'thu a nga thuke e mi timeta. Awu a mahako to lulama, a lulamile kufana ni nene Jesu a nga lulama.

1 Johani 2:29

Ngako mi ti zivako ti to ene a lulamile, ti ziveni ti to wuhi ni wuhi a mahako to lulama, a velekilwe ngu ngene.

Johani 10:27

Tinvuta tangu ta engisa dipswi dangu, se ani na tiziva, nitona ta ni londisa.

2 Pedro 1:10

Ngu toneto, va ka kwathu, khutalani mi txi ya masoni, kasi ku mi txi sikota kutsanisa kudhanwa kwanu ni kusawulwa kwanu. Nguko, mi txi mahisa eto, kha mi na mbi thuka mi txi khuvekiswa.

Johani 6:37

Votshe va ni nga ningwa ngu Tate, va nata kwangu, se awu a tako kwangu, kha ni na mbi mu tshotsha hahanze.

Johani 6:35

Jesu a to va angula a txi khene: “Ani ngani dipawu da wutomi. Awu a tako kwangu, kha na mbiswa a txi pfa nzala; awu a kholwako kwangu kha na mbiswa a txi pfa ditora.

Johani 5:40

Aniko anu kha mi tumeli kuta kwangu, kasi kumita mana wutomi.”

Luka 8:13

Ava va ku ha marigwini, ngu va va nga engisa dipswi, ve di amukela ngu kutsaka, kambe ve pwata mikoloti, va txi tumela ngu mbimoanyana; se ngu mbimo ya txiduko, va rereka.

Luka 8:8

Aniko timwani ti to wela ha mafuni ka kunene, ti txi kula, ti veleka ngu dizana.” Ngako a di wombile-to, a to huwelela a txi khene: “Awu a ku ni tinzeve ta kuengisa a na engise.”

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Johani 8:52

Vajudha va txi kha vona kwakwe: “Konkuwa se ha tiziva ti to u na ni didhimoni. Abrahamu a fite, vaprofeti ni vona va fite; se awe u khawe: ‘Ngako m'thu a txi veketa dipswi dako, kha na mbi wona lifo ni ditshiku ni da dimwedo.’

Luka 6:48

A fana ni m'thu wu a akako nyumba, awu a nga kela e hokomisa, a txi veka makhato ha dirigwini; se ngako yi txi ta ndambi, mtalo wa mati wu yi peka, kha yi dekadeki, nguko yi akilwe kha kwati.