Luka 6:45 - Bhiblia Yo Sawuleka

⁴⁵ M'thu wamnene a humisa sa sinene ngu ka txuma txa txinene txa mbilu yakwe. Aniko m'thu wa tshofu, ngu ka txuma txa tshofu ya mbilu yakwe, a humisa so biha, nguko txisofu txa m'thu txi womba-womba ngu tile ti nga tala mbiluni.”

Luka 6:45 Referans Kwoze

Mavingu 4:23

Txitimwi ka sotshe si si dinganako kuxayiswa, xayisa mbilu yako, nguko tita ngu ka yona tinzila ta wutomi.

Vaefesu 4:29

Di nga thuke di huma dipswi da tingana ngu sisofuni kwanu, aniko ku na hume dipswi da dinene, adi di akisako, ni kuninga makatekwa vale va di engisako;

Johani 7:38

Awule a kholwako kwangu, nga ti Mibhalo yi wombako, ‘minambo ya mati o hanya yi na khulunga, yi txi huma ngu mbiluni kwakwe.’ ”

Vakolosa 3:16

Dipswi da Kristu di na ake timbiluni kwanu ngu kutatiseka, na mi txi gondisana ni kulayana ngu wotshe wutxhari, ni kukombelelana ngu masalmo ni mizeno ni tindanto ta moya; embelelani ngu yotshe mbilu ka Txizimu, mi txi komba kubonga kwanu.

Masalmo 59:12

Ngu txionho txa txisofu txawe, ni dipswi da txisofu txawe, va sungwa ngu kutikulisa; kumweko ni wubihi ni makuhu va ma humisako.

Vakolosa 4:6

Kuwomba-womba kwanu ku nave ko tsakisa yotshe mbimo, na ku di lungilwe ngu m'nyu, ti to mi ziva ti mi fanelako kuxamulisa tona m'thu ni m'thu.

Mavingu 12:18

Vaho vokari mapswi awe ma ku nga tsoka ya ditxhari, aniko mawombawombelo a txhari mbutomi.

Vahebheru 8:10

Txitumelelano txi ni no txi maha ni nyumba ya Israyeli msana ka masiku onayo, kuwomba Mkoma, ngu txiya: Ni na veka milayo yangu mapimoni kwawe, ni na yi bhala timbiluni kwawe. Ani ni na va Txizimu txawe, ni vona va na vathu vangu.

Vaefesu 5:19

mi txi womba-womba ngu masalmo ni tindando, mizeno ni tindando ta moya, mi embelela ni kudhumisa Mkoma timbiluni kwanu,

Mavingu 15:23

M'thu a tsakiswa ngu xamulo ya txisofu txakwe, kambe dipswi do wombwa ngu mbimo ya kona, ndinene.

Masalmo 140:5

Vathu va kutiguleta va ni riyete ngu milawu; va ni riyete ngu likoka hanzila; va ni riyete milawu yo tala, va lava ku ni bzweta.

Masalmo 59:7

Sisofu sawe sa maha likwaha; mapswi awe ma fana ni matxhari o hinda; nguko va kha vona: “I mani a hi engisako kani?”

Mithumo 5:3

Aniko Pedro a txi khene kwakwe: “Ananiya, u mlekisile kutxani Sathani e fuma mbilu yako kani? U hembete Moya wo Sawuleka, u txi ti hungulela male ya thembwe ngu phuho.

Judha 1:15

ku ta lamula votshe vathu, ni ku ta thethisa votshe va va si thaviko Txizimu, ngu mhaka ya yotshe mithumo yawe yo biha, va nga yi maha, ni mhaka ya otshe mapswi a kubiha, aawa vaonhi va nga txi ruka ngu ona.”

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;