Luka 6:42 - Bhiblia Yo Sawuleka

⁴² U nga sikotisa kutxani kugela mwananu u txi khawe: ‘Mwanathu, thutha ni thavisa txizokoro disoni kwako’ na kasi awe khu woni mtanda wu wu ku disoni kwako kani? Mxengeteli, thanga ngu kuthavisa mtanda wu wu ku disoni kwako, se ngu kona u no wona kuthavisa txizokoro disoni ka mwananu.”

Luka 6:42 Referans Kwoze

2 Pedro 1:9

Nguko, awu a ku si nga naso siya sotshe, ndibhofu, kha woni kule, kambe a divate ti to a basisilwe ka sionho sakwe sa kale.

2 Timoti 2:21

Ngu konaho, awu a ti basisako ka sihoxo siya a na va i di txiya txa hombe, txo sawuleka, txa kuvhuna ka nyamne wa txona, atxi txi nga lulamiselwa wotshe mthumo wa wunene.

2 Vakorinto 5:18

Totsheto ti ta ngu ka Txizimu, atxi txi nga hi tshanganisa natxo ngu Kristu; txona txi hi ningile mthumo wa kutshanganisa vathu kumweko natxo.

Varoma 2:1

Ngu toneto, awe, hambi u di mani ni mani u lamulako vamwani, khu nga ni divalelo, ngako u txi lamula vamwani, wo ti abanisa upune, nguko na nawe wa ti maha tona ti u lamulako ngu tona vamwani.

Mithumo 13:10

a txi khene: “Awe u nga tala ngu wukanganyisi ni wubihi wotshe, mwanana wa Sathani, mlala wa sotshe so lulama, khu leki kugombonyisa tinzila ta Mkoma, ati i ku to lulama kani?

Mithumo 8:21

Ka mhaka yiya khu na txyavelo hambi thomba, nguko mbilu yako kha ya lulama masoni ka Txizimu.

Mithumo 2:38

Pedro a to va xamula, a txi khene: “Hundulukani, se mmwani ni mmwani a na kombele kubhabhatiswa ngu ditina da Jesu Kristu, kasiku e mana kudivalelwa sionho. Ti di mahile eto, mi na amukela txihiwa i ku Moya wo Sawuleka.

Luka 22:32

Aniko ani ni ku kombelete, kasiku likholo lako li si timeki. Se awe, ngako u di hundulukile, tsanisa vakwanu.”

Luka 13:15

Aniko Mkoma a mu xamute a txi khene: “Anu vaxengeteli, ina mmwani ni mmwani kwanu kha thukunyuli homu mwendo mbongola yakwe, ngu txibalani, a txi yi yisa kuselani ka mati ngu Sabbata kani?

Matewu 26:75

Sekoko, Pedro a to alakanya mapswi a Jesu, a nga khene: “Wu sinzi kuemba mkuku, u na ni lamba kararu.” Msana keto, a to huma hahanze e dila ngu kupandiseka.

Mavingu 18:17

Awule a khatisako kuangula, a nga a maneka ditshurini; aniko a txita mmwani e ta mkaneta.

Matewu 7:3

Ngu kutxani u txi wona txizokoro txi txi ku disoni ka mkwanu, u si woni mtanda wu wu ku disoni kwako kani?

Matewu 7:4

Mwendo u nga wombawombisa kutxani ka mkwanu u txi khawe: ‘Thutha ni thavisa txizokoro disoni kwako’ kasi mtanda wu ho disoni kwako nawe, kani?

Luka 6:41

“U wonisa kutxani txizokoro txi txi ku disoni ka mwananu, u si woniko mtanda wu wu ku disoni kwako kani?

Luka 6:43

“Kha wu nga ho mndonga wa wunene wu ningako m'hando wo biha, kambe kha wu nga ho mndonga wo biha wu ningako m'hando wa wunene.