Luka 6:37 - Bhiblia Yo Sawuleka

³⁷ “Mi nga lamuleni kasiku na nanu mi si lamulwi ngu Txizimu, mi nga ningeni mnandu vamwani, kasiku na nanu mi si ningwi mnandu; divalelani sionho sa vamwani, kasiku na nanu mi na divalelwa.

Luka 6:37 Referans Kwoze

Vaefesu 4:32

Zumbani mi di vavanene, mi txi pfelana wumbilu. Divalelanani kufana ni kuwa Txizimu ni txona txi nga mi divalela ngu ka Kristu.

Jakobe 5:9

Mi nga mangalaneni, vanathu, kasiku mi si ta lamulwa. Wonani ti to Mlamuli a ha txikeni.

Marku 11:25

Kungako mi txi ema mi khongela, divalelani wu mi ku ni mhaka nayo, ti to nene Tate wanu wu a ku nzumani, e mi divalela kuonha kwanu.

Vakolosa 3:13

mi timiselana ni kudivalelana mmwani ni mmwani, ngako m'thu a di ni txisolo ka mmwani, nga kule Kristu a nga mi divalela, na nanu mahisani toneto.

Matewu 5:7

Va katekile ava va ku ni wumbilu, nguko va na mahelwa wumbilu ni vona!

Isaya 65:5

Se va txi kha vona: Khukha hawa, u nga tshukete hafuhi ni nani, nguko ani ni sawulekile ngutu kupinda awe. Avava mbutshi tithonvuni kwangu, mdilo wu wu turako ditshiku dotshe.

Matewu 18:30

Aniko txona txi so lamba, kambe txi ti ya mu sekela mkorani, kala kuza e dihela mnandu.

Luka 6:36

Telwani ngu wunene, nga Tate wanu nene a ku ni wunene.”

Luka 23:16

Ngu toneto, ni na mu thukunyula e tsula, msana ka ku mu tsayisa.”

Mithumo 3:13

“Txizimu txa Abrahamu ni txa Isaake ni txa Jakobe, Txizimu txa vatate vathu txi dhumisile txithumi txa txona Jesu, awu anu mi nga mningela, mi nga mlamba kambe masoni ka Pilato, kasi ene a ti ti lamute ti to a na thukunyulwe.

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.