Luka 6:35 - Bhiblia Yo Sawuleka

³⁵ Kasi i di anu, randani valala vanu, mahani wunene, mi txi lombisa simaha sanu ka vamwani, hambi mi si rinzeli kutshumetelwa ngu vona. Kudihelwa kwanu ku nava ka hombe, mi na va mi di vanana va Nyatxitimwi, nguko Ene wa maha wunene ka vale va si ziviko kubonga ni ka vale va tshofu.

Luka 6:35 Referans Kwoze

Johani 13:35

Ngu toneto, va no mi zivisa tona ti taku mi vagondiswa vangu: Ngako mi txi randana.”

Mavingu 19:17

Awule a ningako ka txisiwana o lombisa ka Mkoma, se ene a na tshumetelwa dibhindu da kona.

Masalmo 145:9

Mkoma mbwamnene ka votshe; ni wumbilu wakwe wu dingana yotshe mithumo yakwe.

Mavingu 22:9

Awule a ku ni mawonelo amanene a na katekiswa, nguko waha sisiwana dipawu dakwe.

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

Masalmo 112:5

A katekile m'thu wu a pfelako wusiwana e lombisa a tsimbitisako mabhindu ngu kululama ni ditshuri;

Johani 15:8

Tate wangu a na dhumiswa, ngako mi txi veleka mihando yo tala, mi maha vagondiswa vangu.”

Masalmo 37:26

Yotshe mbimo ene i m'thu wa wumbilu ni wuha; vanana vakwe va katekile.

Mithumo 14:17

hambi keto, kha txa leka kufakaza ti to txona txa ho, ngu ku mahela ta tinene vathu, txi wisa mati a nzuma, ni ku mi ninga tinyango to pfuna, txi khurisa timbilu tanu ngu sakudya ni litsako.”

Luka 1:32

Ene a na va i di wa hombe, kambe a na dhanwa ku i ‘Mwanana wa Nyatxitimwi.’ Mkoma Txizimu a na mninga txikhalo txa tate wakwe Dhavhidha;

Marku 5:7

Se a txi peka huwa ngu dipswi da hombe a txi khene: “I mhaka muni u ku nayo ni nathu, awe Jesu Mwanana wa Txizimu Nyatxitimwi?”

Masalmo 58:11

Se vathu va na womba va txi kha vona: “Kha dikhuri mlulami ana ni hakhelo! Ngu ditshuri txi ho Txizimu txi txi lamulako ha mafuni!”

Matewu 5:9

Va katekile ava va thumelako kudikha, nguko va na dhanwa ku mbanana va Txizimu!

Luka 6:36

Telwani ngu wunene, nga Tate wanu nene a ku ni wunene.”

2 Timoti 3:2

Nguko vathu va na va vo ti randa vapune, vanyatimbiti, va ku ti mahisa, va kutikulisa, varuketeli, vaeyisi va vaveleki, vo mbi ziva kubonga, va vo mbi khongela,