Luka 6:28 - Bhiblia Yo Sawuleka

²⁸ wombani mapswi a wunene ka vale va mi ruketelako, khongelelani avale va mi xanisako.

Luka 6:28 Referans Kwoze

1 Pedro 3:9

Mi nga tshumeteleni wubihi ngu wubihi, hambi txiruko ngu txiruko, aniko, kukatekisa nguko ngu toneto mi nga dhanelwa tona, kasi ku mi txi maha vadyi va thomba ya kateko.

1 Vakorinto 4:12

ha karala ngu kuthuma ngu manza athu. Hi txi rukwa, athu ha katekisa; hi txi xaniswa, athu ha timisela;

Varoma 12:14

Katekisani va va mi zondako, va katekiseni, mi nga wombeni kubiha ngu vona.

Jakobe 3:10

Ngu toneto, txisofuni kumweko kuhuma kukatekisa ni kuruka. Vanathu, atiya kha ti faneli kumaheka.

Luka 23:34

Se Jesu a ti ti khene: “Tata, va divalele, nguko kha va ti zivi ati va ti mahako.” Ngu msana, va to abanela syambalo sakwe, ngu kuxaxuva tixolo.

Luka 6:27

“Aniko ani na mi gela, anu mi ni engisako, ni khani: Randani valala vanu, mahani wunene ka vale va mi zondako,

Matewu 5:44

Aniko ani ni khani: Randani valala vanu, mi txi khongelela avale va mi xanisako.

Mithumo 7:60

Se e khizama a txi kwangula ngu dipswi da hombe, a txi khene: “Mkoma u nga va alakanyele txionho txiya.” Ngako a di wombile tiya, a to fa.

Luka 6:35

Kasi i di anu, randani valala vanu, mahani wunene, mi txi lombisa simaha sanu ka vamwani, hambi mi si rinzeli kutshumetelwa ngu vona. Kudihelwa kwanu ku nava ka hombe, mi na va mi di vanana va Nyatxitimwi, nguko Ene wa maha wunene ka vale va si ziviko kubonga ni ka vale va tshofu.

Mithumo 14:5

Se vamatiko ni Vajudha ni tinduna tawe va to langana ku va mahela tshofu ni ku va balisela ngu marigwi.

Ezekhiyele 36:5

Ngu konaho, Mkoma Txizimu a khene: Ngu ditshuri kuhisekani ka kuhenya kwangu, ni wombawombile ni wukela matiko ale ma nga sala, ni ditiko da Edhomi. Vona va honyote mafu angu, ngu kutsaka ka totshe timbilu, ni kutxhipisa muhefemulo, kasi ku wu rinza kuñolwani.

Ezekhiyele 25:15

Mkoma Txizimu a khene: Nga kule Vafilista va nga phota, va txi phota ngu wubihi wa timbilu tawe, va txi fuvisa ngu wulala wa kwa mbi gwita,

1 Vafumeli 13:6

Sekoko mfumeli a to xamula a txi khene ka m'thu wa Txizimu: Khongela masoni ka Mkoma Txizimu txako, ni kombelele ti to dianza dangu di kalamuka. Sekoko m'thu wa Txizimu a to kombela masoni ka Mkoma, se dianza da mfumeli di to wuya txikale txa dona.