Luka 6:25 - Bhiblia Yo Sawuleka

²⁵ Dikhombo danu anu konkuwa mi nga khura, nguko mi na va ni nzala. Dikhombo danu, anu konkuwa mi sekako, nguko mi na pandiseka mi txi dila.

Luka 6:25 Referans Kwoze

Isaya 65:13

Ngu kumaha keto, Mkoma Txizimu a womba tiya: Wonani taku sithumi sangu si na dya, aniko anu mi na fa ngu nzala; wonani taku sithumi sangu si na sela, aniko anu mi na pfa ditora, wonani taku sithumi sangu si na tsaka, aniko anu mi na wa tingana;

Jakobe 4:9

Zivani wusiwana wanu, salukani, mi txi dila; maseko anu ma na phinduke ma txi maha madila, litsako lanu li na phinduke li txi maha kupandiseka.

Mavingu 14:13

Hambi a txi seka, mbilu yi na panda, se magwito ka kutsaka ngu xaniseka.

Mtuletelo 3:17

Nguko u khawe: ‘Ni nyatithombe, ni humelete, kha ni pwati txilo.’ Aniko khu ti zivi ti to ngawe mxaniseki: Nyantshanzale, u txisiwana, u dibhofu, khwa ambala txilo!

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Vaefesu 5:4

Hambi mapswi a tingana, hambi a wubhemba mwendo sipoyilo, kha si laveki, aniko thumisani mapswi a kubonga.

Luka 13:28

Konaho ku nava ni kudila ni kugegeresela ka makwasa, mbimo yi mi nota wona Abrahamu, Isaake, Jakobe, ni votshe vaprofeti va di Mfumoni ka Txizimu, na anu mi txi rethetelwa mi yiswa hahanze.

Luka 12:20

Aniko Txizimu txi to mu gela txi txi kha txona: ‘Diphuphuluwe, ka wona wusiku wu, moya wako wu na lawa. Se tithomba ti u nga sengeletela, ti na sala ni mani kani?’

Luka 8:53

Se vona ve mu seka, nguko va txi tiziva ku a fite.

Nahume 1:10

Nguko, hambi i di ku vo tshunganela ku nga mipa, va txi kolwa ngu vhinya ku nga madevi, va na hetwa votshe kufana ni mwasi wa kuoma.

Amosi 8:10

Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.

Isaya 28:7

Aniko ni vona vava, va onha ngu mhaka ya vhinya, va dhedherekiselwa ngu sopa. Hambi vaphaxeli ni vaprofeti va dhedherekela ngu mhaka ya sopa; va mitwa ngu vhinya, va dhedherekela ngu sopa, va tandeka ni kutxhamusela siwoniso, se ve onha wulamuli.

Isaya 9:20

Se ngako a txi wila didhawa da txinene, a na tshumela e pfa nzala, ngako a txi wila didhawa da txibhabha, kha na mbi khura; mmweyo ni mmweyo a na dya nyama ya diwoko dakwe.

Isaya 8:21

Se va na rendelekela ditiko, ve xaniseka, ni kupfa nzala; ni mbimo yi va pfako nzala, va na henya, ve ruketela mfumeli wawe, ni Txizimu txawe, ve wonetela txitimwi.

Ekleziyaste 7:6

Nguko diguwa da kuseka ka txiphukuphuku di fana ni kutuma ka mipa, yi yi dhivelwako hahatshi ka khadi; eto ni tona mbukanganyisi.

Ekleziyaste 7:3

I txhuko xomulo kupinda maseko, nguko mbilu yi basiswa ngu si si thuvikisako khohe.

Ekleziyaste 2:2

Amu ka maseko ni ti khani: U xangile; se amu ka kutsaka ni ti khani: Kuvhuna txani kani?

Mavingu 30:9

Kasi ku ngu kupfa kukhura, ni si ku kaneti, ni txi khani: I mani Mkoma kani? Mwendo ku ni di txisiwana, nipa, ni wukela Txizimu ngu dianza dangu.

Masalmo 49:19

a na ya ka liveleko la vatate vakwe; kha va na mbiswa ve wona ditambo.

1 Samuwele 2:5

Avale kale va nga ti tikhura, vathumela dipawu, aniko konkuwa avale va nga ti ni nzala va humute; hambi txifule txi velekile mtxhanu wa vanana ni vambidi, se awule a nga ti ni vanana votala a sate ekha.

Luka 6:24

Aniko, dikhombo danu anu vanyatithombe, nguko mi ku mani kale kuthavelelwa kwanu.

Luka 6:26

Dikhombo danu, ngako vathu votshe va txi mi dhumisa. Ngu toneto, vatate vawe va nga txi mahisa tona ka vaprofeti va makuhu.”