Luka 6:2 - Bhiblia Yo Sawuleka

² Vafarisi vokari va txi kha vona kwawe: “Mi mahela txani ati ti si faneliko kumahwa ngu Sabbata?”

Luka 6:2 Referans Kwoze

Matewu 12:2

Aniko mbimo yi Vafarisi va nga ti wona, va to mu gela va txi kha vona: “Hinga wona, vagondiswa vako va maha ti ti si dinganiko kumahwa ngu Sabbata.”

Johani 5:16

Ngu konaho, Vajudha va to khata kuvengela Jesu, ngukuva a di mahile tile ngu ditshiku da Sabbata.

Marku 2:24

Vafarisi va to mu gela va txi kha vona: “Hinga wona, va mahela txani ati ti si tumelelwiko kumaha ngu ditshiku da Sabbata, kani?”

Luka 5:33

Se va txi kha vona kwakwe: “Vagondiswa va Johani va ti tona sakudya sikhati sasingi, va txi maha ni mikombelo; vagondiswa va Vafarisi ni vona va mahisa toneto. Kasi vagondiswa vako vadya ve sela.”

Isaya 58:13

Ngako u txi vayilelisa mkondo wako ka ditshiku da Sabbata, u si mahi kuranda kwako ngu ditshiku dangu do sawuleka, se u txi khawe Sabbata ya tsakisa ngutu, kambe ditshiku do sawuleka da Mkoma, da wudhundo, se ngako u txi di dhunda, u si londeti tinzila tako, hambi kunavela kumaha kuranda kwako, mwendo kumaha nyamuwombe,

Eksodha 35:2

Amu ka mtxhanu wa masiku ni dimwedo mndani ka divhiki, mi nga sikota kuthuma totshe, aniko ngu ditshiku da wutxhanu ni mambidi di na va do sawuleka, i Sabbata ya kuhumula ka Mkoma. Awule a manekako a txi thuma ka ditshiku donedo a na dawa.

Eksodha 31:15

Amu ka mtxhanu wa masiku ni dimwedo ku na thumwa aniko ka ditshiku da wutxhanu ni mambidi, ku nava i di Sabbata ya kuhumula ko hetiseka, kasi kudhumisa Mkoma.

Eksodha 22:10

Ngako m'thu a txi vekela ka mmwani, mbongola, homu, mwendo txihi ni txihi txihari, se txi txi maneka txi txi fa, mwendo kulimala, mwendo txi txi mwalala, aha ko txi si manwi ngu m'thu,

Matewu 15:2

“Vagondiswa vako va ndakela txani sihena sa vakale, kani? Nguko kha va sambi manza mbimo yi va dyako sakudya.”