Luka 6:14 - Bhiblia Yo Sawuleka

¹⁴ I Simoni, awu a nga m'raya ku i Pedro, ni Andreya mwanawe; ni Jakobe, ni Johani, ni Filipi, ni Bhartolomewu,

Luka 6:14 Referans Kwoze

Mithumo 1:13

Ku ti ngako va di hokile konaho, va to kwela veya ka nyumba yi ya txitimwi, ahawa ku nga ti zumba Pedro, ni Johani, ni Jakobe, ni Andreya, ni Filipi, ni Tomasi, ni Bhartolomewu, ni Matewu, ni Jakobe mwana Alfewu, ni Simoni Muzelote, ni Judha mwana Jakobe.

Matewu 4:21

Se a txi pinda a txi ya masoni, a to wona vamwani va mkoma ni mnanda kambe, Jakobe, mwanana wa Zebhedhewu, ni Johani mnanda wake, mu ka ngalava, va nga ti rungetela tikoka tawe, kumweko ni tate wawe Zebhedhewu. Se e va dhana.

Matewu 4:18

Na a txi tsimbila ngu mabambe ka Linene la Galileya, a to wona vathu vambidi va mkoma ni mnanda, Simoni, a dhanwako ku i Pedro, ni Andreya mnanda wakwe, va nga ti beta tikoka lineneni, nguko i ti vakukuti va sihaka.

2 Pedro 1:1

Ani Simoni Pedro, txithumi ni mpostoli wa Jesu Kristu, ni bhalela vale va nga amukela likholo la lisima kufana ni lathu, ngu kululama ka Txizimu, ni Muhanyisi wathu Jesu Kristu.

Mithumo 12:2

Se a to daya Jakobe, mwanawe Johani, ngu ditxhari.

Johani 14:8

Filipi a to khene kwakwe: “Mkoma, hi kombe Tate, ta hi dingana!”

Johani 6:8

Se Andreya, mwanawe Simoni Pedro, mmweyo wa vagondiswa va Jesu, a to khene kwakwe:

Johani 6:5

Sekoko a di gute maso e wona vathu votala, va txi ta kwakwe, Jesu a to gela Filipi a txi khene: “Ngu hani hi no ya xava mapawu a kuvaninga ve dya kani?”

Johani 1:45

Filipi a to mana Nathaniyele, a txi khene kwakwe: “Hi mmani wule Mosi a nga bhala timhaka takwe Mlayoni, ni Vaprofeti ni vona va bhate: I Jesu wa Nazareta, Mwana Josefa.”

Luka 5:10

A tetwe ngu kuthava nene Jakobe ni Johani, vanana va Zebhedhewu, i nga ti vakoki kulowe ni Simoni. Aniko Jesu a to gela Simoni a txi khene: “U nga thave. Kukhukhela ka nyamsi, u na va u di mkoki wa vathu.”

Luka 5:8

Simoni a di woni tiya, a to ti wisa minengeni ka Jesu, a txi khene: “Mkoma, khukha hawa kwangu, nguko ani ni muonhi!”

Marku 14:33

Ene a to teka Pedro ni Jakobe ni Johani e tsula navo. Se e khata kuphatuka tikhana ni kuxaniseka ngutu.

Marku 9:2

Ku di pindile mtxhanu wa masiku ni dimwedo, Jesu a to teka Pedro ni Jakobe ni Johani, e tsula navo, vona vokha, ka mmango wa kulapha ngutu, se a txi hinduka mmidi wakwe masoni kwawe.

Marku 5:37

Se Jesu kha tumela ti to mmwani e tsula nayo, hahanze ka Pedro ni Jakobe ni Johani, mwanawe Jakobe.

Marku 1:29

Mbimo yi Jesu a nga huma ngu disinagogani, a to tsula kumweko ni Jakobe ni Johani nyumbani ka Simoni ni Andreya.

Marku 1:19

Se ngako a txi ya masoni, a to wona Jakobe, mwana Zebhedhewu, ni Johani, mwanawe, va di mu ngalavani, va txi rungetela tikoka tawe.

Matewu 10:3

Filipi ni Bhartolomewu; Tomasi ni Matewu, i nga ti mkhupisi; Jakobe, mwanana wa Alfewu, ni Tadhewu;

Matewu 10:2

Matina a Vapostoli va digumi ni vambidi ngu awa: Wo khata i Simoni, a dhanwako ku i Pedro, ni Andreya, mwanawe; Jakobe, mwanana wa Zebhedhewu, ni Johani, mwanawe;

Marku 3:16

A vekile ava va digumi ni vambidi: Simoni, awu a nga raywa ditina daku i Pedro;

Luka 6:13

Ngako di di txite, a to dhana vagondiswa vakwe, se e sawula, hagari kwawe, Digumi ni Vambidi, ava a nga va raya ditina daku i Vapostoli.

Luka 6:15

ni Matewu, ni Tomasi, ni Jakobe mwana Alfewu, ni Simoni a dhanwako ku i Zelote,