Luka 6:13 - Bhiblia Yo Sawuleka

¹³ Ngako di di txite, a to dhana vagondiswa vakwe, se e sawula, hagari kwawe, Digumi ni Vambidi, ava a nga va raya ditina daku i Vapostoli.

Luka 6:13 Referans Kwoze

Mtuletelo 21:14

Diguma da didhoropa di ti ni digumi da makhato a kuaka ni mambidi, ni txitimwi ka ona ku ti ni matina a digumi ni mambidi, a Vapostoli va Digumi ni vambidi va Txinvutana.

Vaefesu 4:11

Se ene ngene a nga ninga vamwani mthumo wa wupostoli, vamwani mthumo wa wuprofeti, vamwani mthumo wa wuvhangeli, vamwani mthumo wa wudyisi ni wugondisi,

Marku 6:30

Se vapostoli va to ya tshangana masoni ka Jesu, va txi mu xawutela totshe ti va nga thuma ni ti va nga gondisa.

Marku 6:7

Ene a to dhana vapostoli va digumi ni vambidi, a txi khata ku va ruma, ngu vambidivambidi, a txi va ninga mtamo wa kuxula mimoya ya nzambwa.

Matewu 9:36

Ngako Jesu a di woni dibutho da vathu, a to va pfela wusiwana, nguko va ti ti karate ni kurereka, nga tinvuta to mbi na m'dyisi.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Mtuletelo 12:1

Se ku to woneka nzumani txidiwukiso txa hombe: Wamsikati wa kuambala ditambo, ku di ni mtxima hahatshi ka mikondo yakwe; na a di ni m'bhoti wa digumi da tinyeleti ni timbidi ha msungo kwakwe.

2 Pedro 3:2

kufela ku mi khumbukisa mapswi ale ma nga wombwa kale ngu vaprofeti vo sawuleka, ni txileleto txa Mkoma ni Muhanyisi, atxi mi nga ningwa txona ngu Vapostoli vanu.

Vahebheru 3:1

Ngu toneto, vanathu va vakusawuleka, anu mi nga mana txihiwa txa kudhanwa ngu Txizimu: Alakanyani Jesu, mpostoli ni Mphaxeli wa Hombe wa kukholwa kwathu.

Vaefesu 2:20

nguko anu mi fana ni nyumba yi nga akwa txitimwi ka makhato o mahwa ngu vapostoli ni vaprofeti, ahawa Jesu Kristu apune i ku Dirigwi da kona da hombe do tsanisa;

Mithumo 1:13

Ku ti ngako va di hokile konaho, va to kwela veya ka nyumba yi ya txitimwi, ahawa ku nga ti zumba Pedro, ni Johani, ni Jakobe, ni Andreya, ni Filipi, ni Tomasi, ni Bhartolomewu, ni Matewu, ni Jakobe mwana Alfewu, ni Simoni Muzelote, ni Judha mwana Jakobe.

Luka 22:30

kasi ku mi txi dya ni kusela ha mezani kwangu, ka Mfumo wangu; ni ti to mi txi khalahatsha ka sikhalo sa wukoma mi txi lamula tihunzu ta digumi ni timbidi ta ka Israyeli.”

Luka 11:49

Ngu konaho, wuzivi wa Txizimu wu wombile, wu txi kha wona: ‘Ni na va rumela vaprofeti ni vapostoli, va na daya vamwani kwawe, ve xanisa vamwani.’

Matewu 19:28

Jesu a to xamula a txi khene: “Kha ditshuri na mi gela ku khani: Ka mbimo ya kuwusetwa ka wuphya wa sotshe, ditshiku diya Mwanana wa M'thu a nota khalahatsha ha txikhaloni kwakwe ka wukoma wa kupfaliswa, na nanu, mi nga ni londisa, mi nata khalahatsha ka digumi da sikhalo sa wukoma ni simbidi, mi txi lamula tihunzu ta digumi ni timbidi ta ka Israyeli.

Matewu 10:2

Matina a Vapostoli va digumi ni vambidi ngu awa: Wo khata i Simoni, a dhanwako ku i Pedro, ni Andreya, mwanawe; Jakobe, mwanana wa Zebhedhewu, ni Johani, mwanawe;

Luka 6:14

I Simoni, awu a nga m'raya ku i Pedro, ni Andreya mwanawe; ni Jakobe, ni Johani, ni Filipi, ni Bhartolomewu,

Johani 4:33

Sekoko vagondiswa va to wotisana, va txi kha vona: “A nga va a diho a nga mu tisela sakudya kani?”