Luka 6:12 - Bhiblia Yo Sawuleka

¹² Ka ale masiku Jesu a to ya mmangoni kuya khongela. Se e pila wusiku wotshe a txi khongela ka Txizimu.

Luka 6:12 Referans Kwoze

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Marku 6:46

Msana ka kuva a di va tshumetile, a to tsula eya khongela mmangoni.

Marku 1:35

Ni mixo, ku di ngadi phum, a to huma nyumbani eya ka wukhalo wa ekhalela, a txi ya khongela kona.

Vakolosa 4:2

Simamani mi khongela, mi txi khutalela kona mikombeloni, na mi txi bonga,

Matewu 6:6

Kambe awe, ngako u txi khongela, wulela nyumbani kwako, seka ditimba, u txi khongela ngu malengo ka Tate wako; se Tate wako a wonako ti ti ku kusisalani a na kutshumetela.”

Dhaniyeli 6:10

Se mbimo yi Dhaniyeli a nga ziva ti to mibhalo yi sayinilwe, a to wulela nyumbani kwakwe, (kambe ku ti ti ni mafasitela o rendekela didhawa da Jerusalema ma nga ti ti tutwe), e khizama kuraru ngu ditshiku, e kombela, a txi ninga kubonga masoni ka Txizimu txakwe, kufana ni tile a nga ti tolovela kumaha.

Masalmo 22:2

Txizimu txangu, na dila ni mitshikari, kambe khu ni xamuli; na dila ni wusiku, kambe kha ni mani kuzumbiseka.

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

Isaya 26:9

Ngu muhefemulo wangu ni ku lavile ni wusiku, se ngu moya wangu wu ku mndani kwangu, ni na phindula ni kulava, nguko, ku di ni wululami wako ha mafuni, vaaki va ha mafuni va gonda wululamo.

Matewu 5:1

Ngako Jesu a txi wona mabutho a to kwela txitimwi ka mmango. Msana ka kuva a di khalahatshile, vagondiswa vakwe va to mtshuketela hafuhi.

Marku 3:13

Se ene a to kwela mmangoni, a txi va dhana kwakwe ava a nga va lava, se vona ve tsula kwakwe.

Luka 5:16

Kambe ene a ti tolovela kuya txiwulani eya khongela.

Luka 6:11

Konaho vona va to tala ngu kuhenya, se ve wombawombisana ngu ti va no ti maha ka Jesu.

Luka 6:17

Ku ti ngako a di kwitimile navo ngu mmangoni, a to ema ha ndandalani, se dibutho da hombe da vagondiswa vakwe ni vathu vavangi va kuta ngu ka dotshe da Judheya, ni Jerusalema, ni matiko a hafuhi ni linene a Tiro ni Sidhoni,

Luka 9:18

Ka ditshiku dokari, ngako Jesu a txi khongela ka wukhalo wa kusisaleka, vagondiswa vakwe va ti kumweko nayo, se ene a txi va wotisa ku khene:

Luka 9:28

Msana ka timhaka tiya na masiku ma txi lava kuva a mtxhanu ni mararu, Jesu a to teka Pedro ni Johani ni Jakobe, e kwela navo mmangoni kuya khongela.

Luka 9:29

Ku ti ngako a txi khongela, khohe yakwe yi to phinduka, tinguwo takwe ti basa, ti txi phatima.

Johani 6:3

Jesu a to kwela mmangoni, eya khalahatsha koneyo ni vagondiswa vakwe.