Luka 6:1 - Bhiblia Yo Sawuleka

¹ Ngu ditshiku da Sabbata, Jesu a to pinda hagari ka tithembwe, se vagondiswa vakwe ve funya maphumbu a silo ve tsikitela ngu manza, ve dya.

Luka 6:1 Referans Kwoze

Dhewuteronome 23:25

Ngako u txi wulela thembweni ka mwakelani wako, u na funya mafaka ngu dianza dako, aniko u nga wulete sikela thembweni ka mwakelani wako.

Levhi 23:7

ka ditshiku do khata, mi na va ni m'buso wo sawuleka; kha mi na mbi maha mthumo ni wawumwewo;

Eksodha 12:15

Mndani ka mtxhanu wa masiku ni mambidi mi na dya mapawu o mbi tshumbelwa, kukhukhela ka ditshiku do khata kala ka ditshiku da mtxhani ni mambidi, mi na thavisa mtshumbelo tinyumbani kwanu, nguko awule a no dya dipawu do tshumbelwa a na wilwa hagari ka va ka Israyeli.

Dhewuteronome 16:9

“U na bala mtxhanu wa mavhiki ni mambidi; kukhukhela ka mbimo yile u no teka sikela u txi elula fulaho, u na khata kubala mtxhanu wa mavhiki ni mambidi.

Levhi 23:15

Ngu msana, anu motshenu mi na bala mtxhanu wa mavhiki ni mambidi o tala, kukhukhela ka ditshiku da Sabbata, i ku ditshiku da m'buso, dile mi nga maha mningelo wa nyanda yo ndiwitela.

Luka 5:39

Kha ku na m'thu wu, ngako a di sete vhinya ya kale, a navelako yi ya yiphya, nguko a khene: ‘Vhinya yo tshamba ngu yi ya kale.’ ”

Luka 6:6

Ngu dimwani ditshiku da Sabbata, Jesu a to wulela disinagogani a txi gondisa. Se a ti ti ho m'thu, awu diwoko dakwe da txinene di nga ti khwanyete.