Luka 5:7 - Bhiblia Yo Sawuleka

⁷ Se va to kweseta vangana, va nga ti ka yimwani ngalava, kasiku ve ta va vhuneta. Vona va tile va ta tata tingalava ngu wumbidi wa tona, ahawa ka kuza tona ti lava kubhwabhwamela.

Luka 5:7 Referans Kwoze

Vafilipiya 4:3

Na ku kombela nawe Siziku, mngana wangu wo thembeka ti to u txi va vhuna vamame va va nga lwa kumweko ni nani ka mhaka ya Evhangeli, va di ni Klemente ni vamwani vathumi kulothu, ava matina awe ma nga bhalwa dibhukuni ka wutomi.

Vagalatiya 6:2

Vhunanani kurwala mirwalo yanu, kasiku mi na sikota kuveketa Mlayo wa Kristu.

Mithumo 11:25

Bharnabhasi a to tsula Tarso, a txi yela Sawule.

Mavingu 18:24

M'thu wu a ku ni vangana vavangi a nga ti tsakisa, kambe ku ni mngana wo thembeka ngutu kupinda mwanawe.

Eksodha 23:5

Ngako u txi wona mbongola ya wule a ku vengako, yi txi wa ngu kunemelwa ngu mthwalo, u nga mleke ekha, aniko m'vhunete ku yi khukhisa.

Marku 4:36

Ku ti ngako va di siyite dibutho, va to mteka ngu ngalava yi ene a nga ti ka yona, se koneho ku ti ti ho timwani tingalava.

Luka 5:6

Ngako va di mahile toneto, va to mana sihaka so tala ngutu; ahawa koza tikoka tawe ti lava kuvharuka.

Luka 5:8

Simoni a di woni tiya, a to ti wisa minengeni ka Jesu, a txi khene: “Mkoma, khukha hawa kwangu, nguko ani ni muonhi!”