Luka 5:35 - Bhiblia Yo Sawuleka

³⁵ Kambe ya ta mbimo, ayi mteki a no thaviswa kwawe; keyo mbimo ngu kona va no sikota kutitona sakudya.”

Luka 5:35 Referans Kwoze

Luka 17:22

Se a txi khene ka vagondiswa vakwe: “Yi nata mbimo yi mi no lava kuwona hambi dimwedo ka masiku a Mwanana wa M'thu, aniko kha mi na mbi di wona.

2 Vakorinto 11:27

Simwani kambe; mikaralo ni mithumo yo nemela, kupilela masiku amangi, nzala ni ditora, kuzumba ni si dyi txilo masiku amangi, pheho ni wusakato.

1 Vakorinto 7:5

Mi nga tonaneni, hahanze ka kuva mi txi pfana ngu wumbidi wanu ngu mbimwanyana, kasiku mi sikota ku ti ningela mkombeloni. Mi di gwitile, tshanganani kambe, kasiku Sathani asi mi duki ngu ku ambi ti ñola kwanu.

Mithumo 14:23

Msana ka kuva va di vekile madhota masoni ka otshe mabanza, ngu ku va sanzeka manza ni ku va khongelela ni kutitona sakudya, va to va veka manzani ka Mkoma, awu va nga kholwa kwakwe.

Mithumo 3:21

awu nzuma yi fanelako ku mu amukela, kala kuza kuhoka mbimo ya kuwuseta sotshe si Txizimu txi nga si womba ngu sisofu sa votshe vaprofeti va txona vo sawuleka, va kale ni kale.

Mithumo 1:9

A di wombile timhaka tiya, a to guleka na va txi mu wona, se direfu di mu tsivela, va si swi va txi mu wona.

Johani 16:28

Ni humile ngu ka Tata, ni tile ha mafuni. Konkuwa na khukha ha mafuni ni tsula ka Tata.”

Johani 13:33

Vanangu: Ani ni ngadi ni nanu txikhatianyana txidotho. Mi na ni lava, aniko, nga ti ni nga wombisa tona ka Vajudha, na nanu konkuwa na mi gela ku khani: ‘Ahawa ani ni yako kona, anu kha mi sikoti kuta kona.’

Johani 12:8

Nguko sikulungu si ni nanu otshe masiku, aniko ani kha mi nga ni nani otshe masiku.”

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Isaya 22:12

Se Mkoma, Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa, ni ku kuyula misungo, ni ka muambalisi wa masaka.

Matewu 9:15

Jesu a ti khene kwawe: “Tipheleketi ta wu a tekako, ina ti nga sikota kudila, na awu e tekako a di ngadi nato kani? Kambe ku nata masiku, aawa va na ku ta tekelwa mteki, se ngu kona va nota ti tona sakudya.

Marku 2:20

Aniko ma nata masiku awa ti nota tekelwa mteki, se ngu kona ti na ku ta ti tona sakudya.

Luka 5:34

Jesu a txi khene kwawe: “Ina ta koteka kukurumeta tipheleketi ta mteki kutitona sakudya, na mteki a di ngadi nato kani?

Luka 5:36

A to engeta e va gela txidinganiso, a txi khene: “Kha ku na m'thu wu a vharulako txiziva ka nguwo ya yiphya e txi rungela ka ya kale; ngako a txi mahisa eto, a na va a di vharute nguwo ya yiphya, kuve txiziva txi txa txiphya kha txi yelani ni nguwo ya kale.