Luka 5:33 - Bhiblia Yo Sawuleka

³³ Se va txi kha vona kwakwe: “Vagondiswa va Johani va ti tona sakudya sikhati sasingi, va txi maha ni mikombelo; vagondiswa va Vafarisi ni vona va mahisa toneto. Kasi vagondiswa vako vadya ve sela.”

Luka 5:33 Referans Kwoze

Luka 20:47

Va handa tinyumbani ka tinoni, ve ti guleta ngu kumaha mikombelo yo lapha. Vonavo va nata lamulwa ngu kulamulwa ku kupindisako.”

Luka 18:12

Na ti tona sakudya kambidi ngu divhiki, na humisa sa wugumi ka sotshe si ni ku naso.’

Mithumo 9:11

Mkoma a txi khene kwakwe: “Khukha u tsula ka nzila yi yi dhanwako ku i ‘Nzila yo lulama’, u ya wotisa, nyumbani ka Judha, m'thu wu a dhanwako ku i Sawule wa Tarso; ene ndiyo wa khongela;

Johani 3:25

Se ku to humelela kukanetisana ngu mhaka ya ku ti basisa hagari ka vagondiswa va Johani ni ujudha wokari.

Johani 1:35

Ka ditshiku di di londetako, Johani a ti maneka a di konaho kambe ni vambidi ka vagondiswa vakwe.

Luka 11:1

Ku ti ngako Jesu a txi khongela ka wukhalo wokari, txikhati txi a nga gwita, mmweyo ka vagondiswa vakwe a to mkombela a txi khene: “Mkoma, hi gondise kukhongela, nga Johani nene a nga gondisa vagondiswa vakwe.”

Marku 12:40

Va xakela silo sa tinoni, va txi ti dyelela ngu kulaphisa mikombelo. Va na mana txitsayiso txo karata.”

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Zakariya 7:6

Mwendo mbimo yile mi nga dya, ni mbimo yile mi nga sela, ina kha ma dya ni kuselela ku ti tsakisa mipune kani?

Isaya 1:15

Ngu toneto, mi txi ni guletela manza, na mi sisela maso angu; ina, hambi mi txi andisa mikombelo yanu, kha ni yi engisi, nguko manza anu matate ngu mnoha.

Mavingu 28:9

Awule a vayilelisako tinzeve takwe mu ka kuengisa milayo, hambi mkombelo wakwe wu nave txinyenyeko.

Luka 2:37

A ti tekilwe i di ngadi mbiri, e zumba ni mwamna wakwe mtxhanu wa malembe ni mambidi. Se konkuwa i ti noni ya mtxhanu ni mararu magumi, ni mune wa malembe. A ti si khukhi Dithepeleni, amuwa a nga txi khozela Txizimu, ngu kutitona sakudya ni kumaha mikombelo wusiku ni mitshikari.

Luka 5:32

Ani kha na tela ku ta dhana ava vo lulama, aniko ni tete ku ta dhana vaonhi kuhundulukani.”

Luka 5:34

Jesu a txi khene kwawe: “Ina ta koteka kukurumeta tipheleketi ta mteki kutitona sakudya, na mteki a di ngadi nato kani?