Luka 5:21 - Bhiblia Yo Sawuleka

²¹ Se vabhali ni Vafarisi va to khata kuwombawomba timbiluni kwawe, va txi kha vona: “I mani wuwa a ruketelako kani? I mani a sikotako kudivalela sionho, i si nga Txizimu kani?”

Luka 5:21 Referans Kwoze

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Johani 10:33

Vajudha va to xamula, va txi kha vona: “Kha hi lavi ku kubalisela ngu mhaka ya mthumo wa kutshura, aniko ngu mhaka ya txiruko, nguko awe, u ku m'thu, u ti maha Txizimu.”

Luka 7:49

Kunukunuko, ava a nga ti navo ha mezani ka sakudya va to womba timbiluni kwawe va txi kha vona: “I mani ene wu a sikotako ni kudivalela vathu sionho sawe kani?”

Matewu 26:65

Sekoko mphaxeli wa hombe a to vharula syambalo sakwe, a txi khene: “A rukile Txizimu! Hi ngadi hi txi lava wufakazi wa txani kani? Mi mu engisile konkuwa, a txi ruka Txizimu.”

Masalmo 32:5

Ni ti tshanzile kwako sionho sangu, kha na sisa wubihi wangu, ni txi khani: “Ni na ti tshanza ka Mkoma, sihambunyeto sangu”; se u divalete mnandu wa txionho txangu.

Levhi 24:16

Awule a ruketelako ditina da Mkoma, ngu ditshuri a na fa, wotshe msengeletano ngu ditshuri wu na m'balisela ngu marigwi. Hambi i di mluveli mwendo Muisrayeli, ngako a txi ruketela ditina da Mkoma, a na dawa.

Varoma 8:33

I mani a no mangalela avale va nga sawulwa ngu Txizimu kani? Txizimu ngu txona txi lamulako ti to vona mbalulami!

Dhaniyeli 9:19

Awe Mkoma, engisa! Awe Mkoma, divalela! Awe Mkoma, hi pfisise, maha u nga swele; ngu kuranda kwako, awe Txizimu txangu; nguko didhoropa dako ni vathu vako va dhanwa ngu ditina dako.

Dhaniyeli 9:9

Wumbilu ni kudivalela si lumba Mkoma, Txizimu txathu; nguko hi mueyisile, hi m'wukete.

Isaya 44:22

Na hangalasa sihambunyeto sako kufana ni hunguva, ni sionho sako kufana ni direfu; tshumelela kwangu nguko ni ku tirute.

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Masalmo 130:4

Aniko awe wa ziva kudivalela, kasiku athu hiva ni txithavo.

Masalmo 103:3

Ngene a divalelako sotshe sionho sangu a txi ni hanyisa ka yotshe mipando yangu;

Luka 5:17

Ka dinwane ditshiku, Jesu a ti gondisa; Vafarisi ni vagondisi va Mlayo, va kuta ngu ka otshe madhoropa a Galileya ni Judheya ni Jerusalema, va ti ti ho konaho. Se mtamo wa Mkoma wu ti ni nene kasi kuhanyisa.

Matewu 9:3

Konaho, vamwani vabhali va to alakanya timbiluni kwawe va txi kha vona: “Awu m'thu wa ruka.”

Mika 7:19

A na tshumela u hi pfela wusiwana, a na lovisa sihambunyeto sathu, kambe a na rinza sotshe sionho sathu txizivani ka linene.

Masalmo 35:5

Va na fane ni mwasi wu wu huhiswako ngu diphuho; ni mtamo wa Mkoma wu na va tutumise.

Luka 3:8

Ngako i di toneto, humisani mihando yi yi kombisako kuhunduluka; mi nga thukeni mi alakanya mi txi khanu: ‘Hi ni tate, wathu Abrahamu’; nguko ni khani kwanu: Txizimu txi nga sikota kuhindula marigwi awa me maha vanana va Abrahamu.

Luka 5:22

Kambe Jesu, ngu kuziva mialakanyo yawe, a va xamute a txi khene: “Mi ngungurukelela txani timbiluni kwanu kani?