Luka 5:20 - Bhiblia Yo Sawuleka

²⁰ Jesu, ngako a txi wona likholo lawe, a to womba a txi khene: “Mwanathu, u divaletwe sionho sako.”

Luka 5:20 Referans Kwoze

Mithumo 14:9

A ti ti engisela ti ti wombwako ngu Paulo. Se ene ngako a txi mu wonisisa, e wona ti to ana ni kukholwa ko dingana ku e hanyiswa,

Matewu 9:2

Se va to mu nehela m'thu wa kuoma sihango, a di otete ha didhandoni. Jesu a txi wona kutumela kwawe, a to khene ka m'thu wule wa kuoma sihango: “Mwanangu, tsanisa mbilu! Sionho sako si divaletwe.”

Luka 7:48

Msana keto, a to gela wule wamsikati a txi khene: “U divaletwe sionho sako.”

Vakolosa 3:13

mi timiselana ni kudivalelana mmwani ni mmwani, ngako m'thu a di ni txisolo ka mmwani, nga kule Kristu a nga mi divalela, na nanu mahisani toneto.

Johani 2:25

i ti si nga wolava kumaha ngu kugelwa ta m'thu, nguko ene a txi tiziva ti ti ku timbiluni ka vathu.

Marku 2:5

Jesu ngu ku ona kukholwa kwawe, a ti khene ka mlwali: “Mwanangu, u divaletwe sionho sako.”

Jakobe 2:18

Kambe mmwani a na khene: “Awe u ni likholo, se ani ni na ni mithumo. Ni kombe likholo lako lo mbi na mithumo, ani ni na kukomba likholo langu ngu mithumo yangu.”

2 Vakorinto 2:10

Ka wule mi m'divalelako, nani na m'divalela. Nguko, ni txi divalela, ngako ku di ni to divalela, ni ti maha ngu kota yanu, masoni ka Kristu.

Isaya 38:17

Wona taku kuthuthani kwangu ni ti ti ni kupandiseka ka hombe; awe koko, wa lirando ngutu, u to khutarela muhefemulo wangu, kha wawa diphalani ka kusina, nguko u tshotshile msana kwako sotshe sionho sangu.

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

Johani 5:14

Msana ka tiya, Jesu a to mu mana Dithepeleni a txi khene kwakwe: “Wa ti wona, u hanyisilwe; u nga engete u txi onha, kasiku di si ku humeleli dikhombo da hombe kupinda di do thanga.”

Genesisi 22:12

Sekoko Ngelozi yi to kha yona: “U nga sanzeke dianza txitimwi ka mfana, kambe u nga mmahe txilo; nguko se na tiziva tito, ngu ditshuri, wa txi thava Txizimu, nguko khwa ni lambela mwanana wako, mwanana wako wammweyo.”

Matewu 9:5

Kasi ngu tihi ti nga hehuka: Kuwomba ku ‘sionho sako si divaletwe’ mwendo ku ‘khukha u txi tsula kani?’