Luka 5:19 - Bhiblia Yo Sawuleka

¹⁹ Ku ti ngako va si mani ko mu wuletisa, ngu mhaka ya dibutho, va to kwela txitimwi ka nyumba, ve hasula liangwa, ve mu txhikisa hagari, masoni ka Jesu, na a di didhandoni kwakwe.

Luka 5:19 Referans Kwoze

Marku 2:4

Ngako va nga txi tandeka ku mu hokisa ka Jesu, ngu mhaka ya kutala ka vathu, va to kwela va txi ya hasula lyango la nyumba yiya ene a nga ti ka yona, se va di tute ditshoko, va to mu txhikisa a di ha ditahoni hawa va nga ti mu otelisile kona.

Matewu 10:27

Ati ni mi gelako txidemani, ti wombeni kuwonekelani ka mitshikari; ani ti mi lengelwako tinzeveni kwanu, ti nuweleni txitimwi ka siroro sa tinyumba.”

Dhewuteronome 22:8

Ngako u txi aka nyumba ya yiphya, u na bhiyela liangwa la kona; kasi ku nyumba yako yi si ku manisi mnandu wa mnoha, ngako ku txi wa m'thu ngu txitimwi ka yona, a txi fa.

Matewu 24:17

awule a manekako txitimwi ka nyumba, a nga txhike a ta ti tekela simaha sa nyumbani kwakwe;

Jeremiya 19:13

Tinyumba ta Jerusalema ni tinyumba ta vafumeli va ka Judha, ti nava ni nzambwa, nga wukhalo wa Tofeti; kumweko ni tinyumba ti di nga hiselwa txitimwi ka tona dibaselo ka dotshe dibutho da nzuma, eho va nga ningela miningelo ya so sela ka simwani sizimu.

2 Samuwele 11:2

Se ku to maheka tito, ni minova, Dhavhidha a to wuka ngu ha m'bhedhuni kwakwe, e tsimbila-tsimbila txitimwi ka nyumba ya wukoma, kambe a di txitimwi ka nyumba a to wona wamsikati a txi kuwula; se wamsikati wuwa i ti wo tshura ngutu.

1 Samuwele 9:25

Sekoko va to txhika ngu mmangoni veya didhoropani; eya womba-womba ni Sawule txitimwi ka nyumba.