Luka 5:17 - Bhiblia Yo Sawuleka

¹⁷ Ka dinwane ditshiku, Jesu a ti gondisa; Vafarisi ni vagondisi va Mlayo, va kuta ngu ka otshe madhoropa a Galileya ni Judheya ni Jerusalema, va ti ti ho konaho. Se mtamo wa Mkoma wu ti ni nene kasi kuhanyisa.

Luka 5:17 Referans Kwoze

Luka 6:19

Dibutho dotshe di ti lava ku mu gwesa, nguko mtamo wu ti huma ngu kwakwe, wu txi va hanyisa votshe.

Luka 8:46

Kambe Jesu a ti khene: “Ku ni m'thu wu a nga ni gwesa, nguko ni ti pfite ngu mtamo wu nga huma kwangu.”

Mithumo 19:11

Txizimu txi ti thuma ngu manza a Paulo sidiwukiso so xamalisa ngutu,

Matewu 11:5

Mabhofu ma wona; sidiya sa tsimbila; vatshekela va basiswa; maphanzeve ma engisa; vakufa va wuswa ve hanya; sisiwana sa txhumayelwa Evhangeli.

Mithumo 4:30

Nawuluta diwoko dako, ti to ku na mahwa kuhanyiswa ni sikombiso ni sidiwukiso ngu ditina da Jesu, txithumi txako txa kusawuleka.”

Marku 7:1

Vafarisi ni vabhali vokari va nga ti tile ngu Jerusalema, va to ya sengeletana ka Jesu.

Marku 5:30

Kunukunuko Jesu, a di pfite ti to mtamo wule wu humete kwakwe, a to tshembereka a txi wonetela dibutho, a txi khene: “I mani a nga gwesa tinguwo tangu kani?”

Matewu 15:1

Sekoko, Vafarisi ni vabhali va Jerusalema va to tshuketela Jesu, va txi kha vona kwakwe:

Johani 3:21

Aniko awule a mahako ti i ku ta tinene, a tshuketela ha kuwonekelani, ti taku mithumo yakwe yi txi woneka ha kubasani, nguko a yi maha ngu tifanelo ta mlayo wa Txizimu.

Luka 2:46

Msana ka masiku mararu, va to ya mu mana amu Dithepeleni, a di khalahatshile hagari ka vagondisi, na a txi va engisela ni ku va mahela siwotiso.

Luka 15:2

Aniko Vafarisi ni Vabhali va ti ti ngungurukela va txi kha vona: “Mamowa wa amukela vawomhi, a txi dya navo.”

Luka 7:30

Kambe Vafarisi ni vagondisi va mlayo va nyenyile makungo awa Txizimu txi nga ti nawo kwawe, nguko va nga lamba kubhabhatiswa ngu ngene.

Luka 5:30

Se vabhali ni Vafarisi va to ngurangura, va txi kha vona ka vagondiswa vakwe: “Ngu kutxani mi txi dya ni kusela ni vakhupisi ni vaonhi, kani?”

Luka 5:21

Se vabhali ni Vafarisi va to khata kuwombawomba timbiluni kwawe, va txi kha vona: “I mani wuwa a ruketelako kani? I mani a sikotako kudivalela sionho, i si nga Txizimu kani?”

Marku 16:18

va na ñola minyoka ngu manza, se hambi va txi sela sa txhefu, kha si na mbi va wusela phango; va na sanzeka manza ka valwali, ve kalamuka.”

Marku 3:22

Kambe vabhali va va nga ti relete va txi ta ngu Jerusalema, va to womba va txi kha vona: “Ana ni Bhelzebhule, se a tovela madhimoni ngu mkoma wa madhimoni.”

Marku 1:45

Kambe ene, neti a nga huma, a to khata kuhuwelela, asi malali, e hangalasa mahungu ale, se Jesu e tandeka ni kuwulela ka m'ti wuhi ni wuhi, na ti txi ziwa; aniko a ti zumbela hahanze, ekhalela, se vathu ve huma ngu ka otshe makhalo ve ta kwakwe.

Johani 3:10

Jesu a to mu xamula a txi khene: “Awe u m'gondisi wa Israyeli, se khu ti zivi timhaka tiya kani?

Mithumo 5:34

Kambe mfarisi wokari, awu va ku i Gamaliyeli, m'gondisi wa mlayo, awu kambe a dhumiswako ngu dotshe ditiko, a to khukha a txi ema hagari ka dibanza e rumela ku Vapostoli va na humiswe hahanze ngu mbimoanyana.