Luka 5:16 - Bhiblia Yo Sawuleka

¹⁶ Kambe ene a ti tolovela kuya txiwulani eya khongela.

Luka 5:16 Referans Kwoze

Luka 6:12

Ka ale masiku Jesu a to ya mmangoni kuya khongela. Se e pila wusiku wotshe a txi khongela ka Txizimu.

Matewu 14:23

Ngako a di gwitile kusalisana ni vathu, a to kwela mmangoni Ene ekhalela, kasi kuya maha mkombelo. Se diswa ditambo, ene a di ekhalela konaho.

Marku 6:46

Msana ka kuva a di va tshumetile, a to tsula eya khongela mmangoni.

Johani 6:15

Se ngako Jesu a di woni ti to va na nda ta kuta mu maha mfumeli, a to khukha, da wumbidi, ene ekha, e tsula mmangoni.

Luka 3:21

Mbimo yi vathu votshe va nga gwita kubhabhatiswa, ni mbimo yi Jesu a nga ti kukhongelani, ngu msana ka kuva a di bhabhatisilwe nene, nzuma yi to tuleka.

Luka 9:28

Msana ka timhaka tiya na masiku ma txi lava kuva a mtxhanu ni mararu, Jesu a to teka Pedro ni Johani ni Jakobe, e kwela navo mmangoni kuya khongela.

Luka 9:29

Ku ti ngako a txi khongela, khohe yakwe yi to phinduka, tinguwo takwe ti basa, ti txi phatima.