Luka 5:13 - Bhiblia Yo Sawuleka

¹³ Jesu a to nawuluta diwoko a txi mu gwesa, a txi khene: “Na ti lava, basiswa.” Konako tshekela yi to thaveka kwakwe.

Luka 5:13 Referans Kwoze

Hoseya 14:4

Ani ni na holisa ku ni tshuralela kwakwe, ani ngu kutilava kwangu, ni na va randa; nguko kuhenya kwangu ku khukhile kwawe.

Ezekhiyele 36:29

Ni na mi txhatxhisa ka yotshe nzambwa; ni na tisa fulaho ni txi yi andisa, kambe kha ni na mbi tisa nzala txitimwi kwanu.

2 Vafumeli 5:14

Sekoko a to relela eya bhumwala kona Jordhani mtxhanu wa sikhati ni simbidi, madingano ni kuwomba ka m'thu wa Txizimu; se nyama yakwe yi to thunga, yi txi nga nyama ya mfana, se a to kalamuka.

Luka 4:39

Se Jesu a to nama txitimwi kwakwe, a txi dhusa txindeyandeya txi mu leka; se ene kunukunuko a to wuka e va thumela.

Masalmo 33:9

Nguko a to womba, se sotshe si maheka; a to ruma, se sotshe si humelela.

2 Vafumeli 5:10

Sekoko Elixa a to rumisa mtumi kuya gela Nahanani to khene: Tsula Jordhani u ya samba mtxhanu wa sikhati ni simbidi, se nyama yako yi na thunga, u na kalamuka.

Genesisi 1:9

Se Txizimu txi to kha txona: “Ma na sengeletane mati a hahatshi ka nzuma wukhalo wumwewo; kasi ku na maneka mtxhefa wa kuoma.” Se eto ti to maheka.

Genesisi 1:3

Se Txizimu txi to kha txona: “Ku nave ho kuwonekela.” Se kuwonekela ku to vaho.

Matewu 8:3

Sekoko Jesu a to nawuluta dianza dakwe a txi mu gwesa, a txi khene: “Na ti lava, basiswa awe.” Kunukunuko a to basiswa ka tshekela yakwe.

Luka 5:12

Ngako Jesu a di ka dimwani didhoropa, ku to maneka koneyo wamwamna, wu a nga ti tate ngu tshekela. Ahawa a nga wona Jesu, a to ti wisa hahatshi ngu khohe, a txi kombela a txi khene: “Mkoma, ngako u txi ti lava, u nga ni basisa.”

Luka 5:14

Se a to mu leleta a txi khene: “U nga thuke u txi gela m'thu, kambe tsula u ya ti kombisa ka mphaxeli, u txi maha mningelo wa kubasiswa kwako, nga ti Mosi a nga leletisa tona, kasi wu na va wufakazi kwawe.”