Luka 5:12 - Bhiblia Yo Sawuleka

¹² Ngako Jesu a di ka dimwani didhoropa, ku to maneka koneyo wamwamna, wu a nga ti tate ngu tshekela. Ahawa a nga wona Jesu, a to ti wisa hahatshi ngu khohe, a txi kombela a txi khene: “Mkoma, ngako u txi ti lava, u nga ni basisa.”

Luka 5:12 Referans Kwoze

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Luka 17:16

A ti ya khizama minengeni ka Jesu, a txi mu bonga. Aniko ene i ti Msamariya.

Matewu 9:28

Ngako a di hokile nyumbani, mabhofu ma to mu tshuketela. Se Jesu a txi khene kwawe: “Ma tumela ti to ni nga sikota kumaha eto kani?” Vona va txi kha vona kwakwe: “Ina, Mkoma!”

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

Masalmo 91:15

Ene a na ni dhana, se ani ni na mxamula; ngako a di kuxanisekani, ni na va kumweko nayo; ni na m'hulukisa, ni mpfalisa.

Matewu 26:6

Se ngako Jesu a di Bhetaniya, m'tini ka Simoni, awu a nga ti dhanwa ku wa tshekela,

Eksodha 4:6

Mkoma a to engeta a txi khene: “Konkuwa veka dianza dako hakhana kwako.” Ene a to veka dianza hakhana, se mbimo yi a ngadi thavisa, a to di wona di di hindukile di txi basa ngu tshekela di txi nga hunguva.

Genesisi 18:14

Ina txi ho txo tandeka ka Mkoma kani? Ka dilembe di di tako, ngu yona yiya mbimo, ni na wuya kambe kwako, se Sara a na va a di ni mwanana wa dizambi.

1 Makronika 21:16

Se ngako Dhavhidha a di guletile maso akwe, a to wona Ngelozi ya Mkoma, yi di ngu hagari ka mafu ni nzuma, ni ditxhari do swomolwa manzani ka yona, yi di di nawulutile txitimwi ka Jerusalema; sekoko Dhavhidha ni madhota, va ti fenengete tinguwo ta masaka, ve khizama ve namisa tikhohe hahatshi.

2 Vafumeli 5:1

Se Nahanani, mthangeli wa dibutho da mfumeli wa Siriya, i ti ti m'thu wa hombe masoni ka nyamne wakwe, ni kuthaviseka ngutu; nguko Mkoma a mthumisile kutxhatxhisa Vasiriya; ene i ti ti wamwamna wa lisima, hambiko a nga ti ti ni xokonho.

1 Vafumeli 18:39

Aha dibutho di nga ti wona tiya, di towa ngu tikhohe ta dona di txi kha dona: Mkoma ngene dwe i ku Txizimu! Mkoma ngene dwe i ku Txizimu!

Joxuwa 5:14

Se ene a to khene: “Ahim-him! Aniko konkuwa nita kota mthangeli wa dibutho da Mkoma.” Sekoko Joxuwa a to khizama e namisa khohe yakwe hahatshi, a txi mkhozela, e m'gela tiya: “U lava kuwomba txani, awe Nyamne wangu, ka txithumi txako kani?”

Dhewuteronome 24:8

Ti wonele ka mtungu wa tshekela, u txi engisa kwati, ni kumaha totshe tifanelo ti va no mi leleta tona.

Levhi 9:24

Ngu masoni ka Mkoma, ku to huma mndilo wu wu nga hisa mningelo wo hiswa, ni mafura awa ma nga ti ngu txitimwi ka txiluvelo. Mbimo yi vathu va nga ti wona totshe tiya, va to kwangula ngu kutsaka va txi ti wisa hahatshi, ngu tikhohe tawe.

Marku 5:23

a txi mkombela ngu kukarateka a txi khene: “Mwanana wangu wa txihoranana a hafuhi ni kufa, ngono u ta msanzeka manza, a na kalamuka a txi hanya.”

2 Vafumeli 7:3

Se ha txikeni ku ti ti ni mune wa vavamna va nga ti ni xokonho, na va txi wombawombisana, va txi kha vona: Hi na zumbela txani hawa kala hi txi fa kani?

2 Vafumeli 5:27

Ngu kumaha keto, xokonho ya Nahanani yi na tshapela kwako, ni ka liveleko lako kala kupinduka. Se Gehazi a to khukha masoni ka Elixa, na a di ni xokonho yo maha ngu ku xwee, nga hunguva.

Levhi 13:16

Ngako nyama yo bhilivila yi txi hinduka yi txi maha yo basa, mlwali a fanete e tshumela a txi ya ka mphaxeli.

Luka 5:13

Jesu a to nawuluta diwoko a txi mu gwesa, a txi khene: “Na ti lava, basiswa.” Konako tshekela yi to thaveka kwakwe.