Luka 4:5 - Bhiblia Yo Sawuleka

⁵ Sathani a to mteka a txi mu yisa mmangoni, a txi mkomba ngu txikhatianyana, yotshe mifumo ya ditiko,

Luka 4:5 Referans Kwoze

Vaefesu 6:12

nguko kha hilwi ni nyama ni mnoha, aniko hilwa ni mimoya yo biha yi ku txitimwi mpfhukani, ni tinduna, ni vafumi ni vakoma va va fumako ka ditiko diya da txidema.

1 Vakorinto 15:52

Ngu txikhatianyana txo fana ni kuphanima ka diso, ngu kuvetwa ka mpundu wo gwitisa, nguko kha ditshuri wu na vetwa mpundu, vafi va na wuka va si swi va di ni kusina, athu hi na hinduluswa.

Matewu 4:8

Sathani a to engeta kambe e mteka a txi kwela nayo ka mmango wo lapha ngutu, e mkomba yotshe mifumo ya ditiko, ni tithomba ta yona;

Masalmo 73:19

Ngu txidhukisa va na fuviswa! Votshe va na guma ngu kuthava!

Jobe 20:5

litsako la vaonhi kha li sweli, ni kutsaka ka vakanganyisi nga mbimonyana kani?

Vaefesu 2:2

asiya kale mi nga txi hanyela ka sona, mbimo yi mi nga txi londetela minavelo ya ha mafuni hawa, madingano ni kuranda ka mkoma wu a fumako ka mpfhuka wu wu ku txitimwi ka mafu, i ku moya wu, ni konkuwa, wu thumako hagari ka sindaka-milayo.

2 Vakorinto 4:17

Kuxaniseka kuwa kwathu ko hehuka, i ku ka mbimwanyana ya yidotho, ku hi longisela thomba ya hombe ya wudhumo wu wu si gumiko, ayi yi pindako kotshe kualakanya ka m'thu.

1 Vakorinto 7:31

ani va va londolako sa mafu awa, va ne nga kha va si thumisi, nguko mazumbelo a ditiko diya ma guma.

Matewu 24:14

Evhangeli yiya ya Mfumo yi na huwelelwa ka dotshe ditiko, kasi kumahwa wufakazi ka yotshe mifumo. Se msana keto, ngu kona ku no va i di magwito.”