Luka 4:41 - Bhiblia Yo Sawuleka

⁴¹ Madhimoni ma to huma ka votala, me huwelela ma txi: “Awe u Mwanana wa Txizimu.” Kambe Jesu a to ma dhusa e ma tsimba kuwombawomba, nguko ma ti m'ziva ta tinene ti to ngene Mesiya.

Luka 4:41 Referans Kwoze

Marku 1:34

A hanyisile valwali va nga txi karatwa ngu mipando yo hambana, a txi tovela madhimoni amangi. Kambe asi tumeli ti to madhimoni me womba-womba, nguko ona ma ti m'ziva.

Jakobe 2:19

Awe wa kholwa ti to txi ho Txizimu tximwetxo txokha, kani? Ndinene! Aniko alakanya ti to madhimoni ni ona ma kholwa, kambe ma dhudhumela.

Johani 20:31

Kambe timhaka tiya ti nga bhalwa, ti bhaletwe ku mi txi kholwa ti to Jesu ngene Kristu Mwanana wa Txizimu, ni tito, ngu kukholwa kuwa, mi na mana kuhanyiswa ngu ditina dakwe.

Marku 3:11

Ni mimoya ya nzambwa, ngako yi txi mu wona, yi ti ti khizama masoni kwakwe, yi huwelela yi txi kha yona: “Awe u Mwanana wa Txizimu.”

Matewu 4:3

Sekoko m'duki a to tshuketa hafuhi kwakwe a txi khene: “Ngako u di Mwanana wa Txizimu, gela marigwi awa ti to me phinduka me maha mapawu.”

Matewu 26:63

Aniko Jesu a to simama e malala. Se mphaxeli wa hombe a to mu gela a txi khene: “Na ku xambanyisa ngu Txizimu txi txi hanyako ti to u hi gela mwendo ngawe Mesiya, Mwanana wa Txizimu kani?”

Matewu 8:29

Vona va to peka huwa va txi kha vona: “I mhaka muni hi ku nayo ni nawe, Jesu Mwanana wa Txizimu kani? U tile hawa ku ta hi xanisa, yi sinzi kuhoka mbimo kani?”

Marku 1:25

Aniko Jesu a to wu dhusa a txi khene: “Malala, u txi huma keyo m'thu!”

Matewu 8:4

Jesu a txi khene kwakwe: “Ti wonele, u nga gele m'thu, aniko tsula u txi ya ti kombisa ka mphaxeli, u txi humisa mningelo wu wu nga emiswa ngu Mosi, kasi ku na maha wufakazi kwawe.”

Matewu 8:16

Ni minova va to neha kwakwe vavangi, ava va nga ti ni madhimoni, se ene a to ma tovela ngu dipswi dakwe, e hanyisa votshe va va nga ti lwala;

Marku 1:32

Minovani ka kona, mbimo yi di nga swa ditambo, va to tisa ka Jesu votshe valwali ni va va nga ti ni madhimoni.

Luka 4:39

Se Jesu a to nama txitimwi kwakwe, a txi dhusa txindeyandeya txi mu leka; se ene kunukunuko a to wuka e va thumela.