Luka 4:4 - Bhiblia Yo Sawuleka

⁴ Jesu a to angula, a txi khene: “M'thu kha hanyi ngu sakudya dwe.”

Luka 4:4 Referans Kwoze

Dhewuteronome 8:3

Se ene a mahile ti to u txi xaniseka, a ku lekile u di ni nzala, e kudyisa manna ale awe u nga ti si ma zivi, hambi vatate vako va ti si ma zive, kasi ku kukomba ti to m'thu kha hanyi ngu sakudya dwe, aniko m'thu a na hanya ngu totshe ti ti humako txisofuni ka Mkoma.

Matewu 4:4

Aniko Jesu a mu xamute a txi khene: “Ti bhatwe tito: ‘M'thu kha na kuhanya ngu dipawu dwe, aniko ngu otshe mapswi awa ma wombwako ngu Txizimu.’ ”

Vaefesu 6:17

Amukelani kuhanyiswa ku txi maha txidgoko txanu ha msungo, se dipswi da Txizimu di txi maha ditxhari danu da Moya.

Matewu 6:31

“Ngu toneto, mi nga vileleni mi txi khanu: ‘Hi na dya txani kani?’ Mwendo: ‘Hi na sela txani kani?’ Niku mwendo: ‘Hi na ambala txani kani?’

Eksodha 23:25

Mi na thumela Mkoma, Txizimu txanu, se ene a na katekisa sakudya sanu, mati anu kambe a na hambukisa malwati hagari kwanu.

Luka 4:10

nguko ti bhatwe ti taku: ‘Ene a na leleta tingelozi takwe kasiku ti kulwela kotshe mu u tsimbilako kona.’

Luka 4:8

Jesu a mu xamute a txi khene: Khukha Sathani! “Ti bhatwe ti taku: ‘U na khozela Mkoma Txizimu txako, u txi thumela txona, dwe.’ ”

Luka 22:35

Ngu msana a engetile a txi khene kwawe: “Mbimo yi ni nga mi ruma, mi si nga ni mkwama mwendo msava mwendo masandazi, txi ho txi txi nga mi pwatekela kani?” Vona va to angula va txi kha vona: “Lambi!”

Jeremiya 49:11

Leka sikulungu sako, ani ni na si xayisa si txi hanya; ni tinoni tako ti na themba kwangu.

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Luka 4:3

Sathani a to mu gela a txi khene: “Ngako u di Mwanana wa Txizimu, gela dirigwi diya di txi phinduka di maha sakudya.”