Luka 4:36 - Bhiblia Yo Sawuleka

³⁶ Se ve xamala votshe, va txi wotisana va txi kha vona: “Ti womba txani tona tiya, kani? Ene a ruma mimoya ngu txikomakoma ni nyala, se yi huma!”

Luka 4:36 Referans Kwoze

Luka 4:32

Vona va ti xamala ngu kugondisa kwakwe, nguko dipswi dakwe di ti ni mtamo.

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

Marku 7:37

Se va to xamala ngutu, va txi kha vona: “A mahile totshe ngu mamahelo amanene. A mahile ti to maphanzeve me sikota kuengisa; siduma si sikota kuwombawomba.”

Marku 1:27

Se votshe va txi diwuka ngutu, va txi wotisana va txi kha vona: “Nji txani txiya kani? I gondo ya yiphya! Hambi mimoya ya nzambwa ene a yi dhusa ngu mtamo, yi txi mu engisa!”

Matewu 9:33

Ngako didhimoni di di tovetwe, txiduma txi to womba-womba, se dibutho di to xamala, di txi kha dona: “Txima kha ti zivi ka nga wonwa to nga tiya ka Israyeli.”

Luka 2:18

Se ava va nga tiengisa, ve xamala ngutu ngu totshe tile va nga gelwa ngu vadyisi.