Luka 4:14 - Bhiblia Yo Sawuleka

¹⁴ Sekoko Jesu a to wuya Galileya ngu mtamo wa Moya, se nduma yakwe yi txi hangalaka ka otshe maphambo a hafuhi.

Luka 4:14 Referans Kwoze

Mithumo 10:37

Anu ma tiziva ti ti nga maheka ka dotshe ditiko da Judheya, kukhukhela Galileya, msana ka kubhabhatiswa kuwa ku nga txhumayelwa ngu Johani;

Matewu 4:12

Ngako Jesu a di engisile ti to Johani a khotetwe, a to khukha e tsula Galileya.

Johani 4:43

Ngako ma di pindile masiku mambidi, a to khukha hale, e tsula Galileya.

Luka 4:37

Konaho nduma yakwe yi pfala ka maphambo otshe a ditiko dile.

Marku 1:28

Kunukunuko nduma yakwe yi to hangalaka ka otshe makhalo a Galileya.

Marku 1:14

Ku ti ngako Johani a di khotetwe mkorani, Jesu a to ya Galileya, eya txhumayela Evhangeli ya Txizimu, a txi khene:

Matewu 9:26

Konako, nduma ya tiya ti nga maheka, yi to hangalaka ni dotshe ditiko dile.

Matewu 9:31

Aniko vona, va txi huma, va to nuwela nduma yakwe ka dotshe ditiko dile.

Luka 4:13

Se ngako a di hetile sotshe siduko, Sathani a to khukha e leka Jesu, kala yimwani mbimo.