Luka 3:8 - Bhiblia Yo Sawuleka

⁸ Ngako i di toneto, humisani mihando yi yi kombisako kuhunduluka; mi nga thukeni mi alakanya mi txi khanu: ‘Hi ni tate, wathu Abrahamu’; nguko ni khani kwanu: Txizimu txi nga sikota kuhindula marigwi awa me maha vanana va Abrahamu.

Luka 3:8 Referans Kwoze

Mithumo 26:20

Aniko kukhata ni txhumayete ka va Dhamasku, ni va Jerusalema, ni va dotshe ditiko da Judheya, kala ka vamatiko, ti to ve phinduka ve wuya ka Txizimu, va txi maha mithumo yi yi dinganako kuphinduka kwawe.

Matewu 21:43

Ngu toneto, na mi gela ku khani: Mfumo wa Txizimu wu na thaviswa kwanu, wu ningelwa ka dimwani ditiko, adi di no sikota kuhumisa mihando ya wona.

Vafilipiya 1:11

mi txi pfunelwa ngu mihando yo lulama, yi tako ngu ka Jesu Kristu, kasiku Txizimu txi pfaliswa ni kudhumiswa.

Varoma 9:7

kambe hi nga votshe va va humako ngu ka Abrahamu i ku vanana vakwe; nguko ti bhatwe tito: “Aniko vanana va Isaake ngu vona va no dhanwa ku liveleko lako.”

Varoma 4:16

Ngu konaho, thomba yi manwa ngu kukholwa; ti to txi va i di txiningo txa makatekwa, kasiku txithembiso txi tsaniswa ka liveleko lotshelele, i si nga ka liveleko la mlayo dwe, aniko ni ka liveleko la kukholwa ka Abrahamu, i ku tate wa hotshethu;

Luka 19:40

Kambe Jesu a va angute a txi khene: “Na mi gela ku khani: Ngako vona va txi malala, marigwi ma na kwangula.”

Johani 8:33

Va to xamula va txi kha vona: “Athu hi liveleko la Abrahamu. Kha hi zivi ku nga va tikhumbi ta m'thu. U wombisa kutxani tito: ‘Mi na khululwa kani?’ ”

Johani 8:39

Va to xamula va txi kha vona kwakwe: “Tate wathu ngu Abrahamu.” Se Jesu a txi khene kwawe: “Ngako mi di vanana va Abrahamu, mahani mithumo ya Abrahamu.

Ezekhiyele 33:24

Awe mwanana wa m'thu, ava va zumbako ka makhalo awa a siwula, va womba-womba va txi kha vona: “Abrahamu i ti ti ene ekha nyamne wa mafu awa; kambe athu hi vangi; hi ningilwe ditiko diya ku va thomba yathu.”

Matewu 3:8

Humisani mihando yi yi dinganako kuhunduluka kwanu;

Matewu 3:9

mi nga ti kanganyiseni mi txi khanu: ‘Hi ni tate wathu Abrahamu’, nguko na mi gela ti to Txizimu txa sikota kuhindula marigwi awa ma txi maha vanana va Abrahamu.

Luka 5:21

Se vabhali ni Vafarisi va to khata kuwombawomba timbiluni kwawe, va txi kha vona: “I mani wuwa a ruketelako kani? I mani a sikotako kudivalela sionho, i si nga Txizimu kani?”

Luka 13:25

Nyamne wa m'ti a na khukha a txi seka ditimba, se anu mi na sala hahanze, mi txi gogota ditimba, mi txi khanu: ‘Mkoma, hi tulele!’

Luka 13:26

Konako, mi na khata kuwomba mi txi khanu: ‘Hi dyite, hi txi sela ni nawe, kambe awe u gondisile mithandani kwathu.’

Luka 14:9

Awu a nga kuramba awe ni nene, a txi ta a ta kugela ku khene: Khukha ka ewo wukhalo, a na zumba awuwa. Konaho, awe, ngu tingana, u na khukha u txi ya ka wukhalo wo gwitisa.

Luka 19:9

Jesu a xamute a txi khene: “Nyamsi kuhanyiswa kuwulete nyumbani muwa, nguko awuwa nene i mwanana wa Abrahamu.

Nehemiya 5:11

Na mi kombela, va tshumeteleni nyamsi tithembwe tawe, mivhinya yawe, miolivha yawe ni tinyumba tawe, ni male ya mpimo wa dizana, ni fulaho, ni dosi, ni mtona, asile anu mi va vilako.