Luka 3:36 - Bhiblia Yo Sawuleka

³⁶ mwana Kayinana, mwana Arifaxadhe, mwana Semi, mwana Nowa, mwana Lameki,

Luka 3:36 Referans Kwoze

2 Pedro 2:5

kufana ni toneto Txizimu kha txa divalela kambe vathu va kale. Aniko, mbimo yi txi nga wuyisa ndambi txitimwi ka vathu va kuonha, txi to ponisa Nowa dwe, mruruteli wa wululamo, kumweko ni mtxhanu wa vathu ni vambidi va nga sala nayo.

1 Pedro 3:20

avale kale ka masiku a Nowa, va nga mbi va ni kuengisisa, mbimo yi Txizimu, ngu kuhonisela ka txona, txi nga verela kuakwa ka ngalava, ayi vathu vavadotho, (va mtxhanu ni vararu) va nga ti hanyisa ngu yona, txitimwi ka mati.

Vahebheru 11:7

Ngu likholo, Nowa, a di zivisilwe ngu Nyatxitimwi timhaka tile ti nga sinzi kuwoneka, a vekete lisima txiziviso txiya, a txi aka Ngalava kasi kuponisa ngamu yakwe. Ngu mhaka ya toneto, a abanisile ditiko, a txi amukela kululama kuwa ku manwako ngu likholo.

Luka 17:27

Va ti ti dya, ve sela, ve teka ni kutekwa, ku txi za kuhoka ditshiku di Nowa a nga wulela ngalavani, se ndambi yi txi hoka, yi va daya votshelele.

Ezekhiyele 14:14

hambi va ti ko vaho hagari ka ditiko vavamna vava vavararu i ku Nowa, Dhaniyele ni Jobe, vona ngu kululama kwawe, va ndi na hulukisa mihefemulo yawe dwe, kuwomba Mkoma Txizimu.

1 Makronika 1:17

Se vanana va Semi ngu vava: Elame, ni Asuri, ni Arifaxadhe, ni Ludhe, ni Arame, ni Uzi, ni Huli, ni Jeteri ni Meseki.

Genesisi 9:18

Se vanana va Nowa, va nga huma ngu mu ngalavani, i Semi, Kame ni Jafete. Kame i tate wa Kanana.

Genesisi 9:1

Se Txizimu txi to katekisa Nowa ni vanana vakwe, txi va gela tiya: “Velekani, mi anda mi tata mafu.

Genesisi 8:1

Se Txizimu txi to alakanya Nowa ni sotshe sihari sa txitinga ni sotshe sifuyo si a nga ti naso ngalavani; Txizimu txi to maha diphuho di txi futeta txitimwi ka ditiko, se mati ma to khata kuphwa.

Genesisi 7:23

Ngu kumaha keto, si fuvisilwe sotshe sivangwa so hanya ha mafuni, vathu, sihari, so tsimbila ngu dibindi, ni sinyana sa nzuma; si fuvisilwe ha mafuni; ku to sala Nowa dwe, ni sotshe si a nga ti naso ngalavani.

Genesisi 7:13

Se ka dona ditshikwedo da dimwedo, Nowa ni vanana vakwe, Semi, Kame ni Jafete, msikati wakwe Nowa ni vasikati vararu va vanana vakwe, va to wulela ngalavani.

Genesisi 6:22

Nowa a to maha toneto; totshe ti Txizimu txi nga mruma tona, ene a ti mahile.

Genesisi 5:3

Adhamu a ti ni 130 wa malembe a tanga, mbimo yi a nga veleka mwanana wo fana nayo khohe ni mmidi, awu a nga mraya ditina daku i Sete.

1 Makronika 1:1

Adhamu, Sete, Enosi,

Luka 3:35

mwana Serugi, mwana Ragawu, mwana Faleke mwana Ebheri, mwana Sala,

Luka 3:37

mwana Metusela, mwana Enoki, mwana Jaredhi, mwana Mahalaleli, mwana Kayinana,