Luka 3:22 - Bhiblia Yo Sawuleka

²² Se Moya wo Sawuleka wu to txhika txitimwi kwakwe ngu txifaniso txa txituvane. Se dipswi da kuta ngu nzumani di to pfala, di txi kha dona: “Awe u Mwanana wangu wo randeka ngutu; ni vekile kwako kotshe kutsaka kwangu.”

Luka 3:22 Referans Kwoze

Masalmo 2:7

Ni na huwelela txileleto txa Mkoma. Ene a ni gete, a txi khene: “Awe u mwanana wangu; nyamsi ni ku velekile.

Johani 1:32

Johani a fakazile kambe a txi khene: “Ni woni Moya wo Sawuleka wu txi txhika ngu nzumani, nga txituvani, wuta zumba txitimwi kwakwe.

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Isaya 42:1

Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.

Mithumo 10:38

ti to Txizimu txi totile ngu Moya wo Sawuleka ni kutsanisa Jesu wa Nazareta; awu a nga tsimbila a txi maha ta tinene, e hanyisa votshe vale va nga ti xaniswa ngu Sathani, nguko Txizimu txi ti ni nene.

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

1 Pedro 2:4

Ngonani hafuhi ka Mkoma, i ku dirigwi do hanya, adi di nga nyenywa ngu vathu, aniko i ku da kusawulwa ni kudhundeka masoni ka Txizimu.

Matewu 12:18

“Atxiya ngu txona Txithumi txangu, ni nga txi sawula, i ku txo randeka kwangu, atxiya mbilu yangu yi txi tsakelako. Ni na veka Moya wangu txitimwi kwakwe, a na txhumayela kulamula kwangu ko lulama ka otshe matiko.

Vakolosa 1:13

Ene a hi ponisile ka txidema, a txi hi rurisa hi txi ya mfumoni ka Mwanana wakwe wo randeka,

Luka 4:21

Sekoko a to khata ku va gondisa a txi khene: “Nyamsi m'bhalo wuwa wu tatisekile tinzeveni kwanu.”

Matewu 27:43

A thembile Txizimu, inna ko, txi na mu hulukise konakuwa, ngako txi txi m'dhunda, nguko a ti khene: “Ani ni Mwanana wa Txizimu!”

Matewu 3:13

Sekoko ka yoneyo mbimo, Jesu a tile ngu Galileya e ta manana ni Johani Mubhabhatisi, mnamboni ka Jordhani, kasi ku ta bhabhatiswa ngu ngene.

Matewu 3:16

Jesu msana ka kuva a di bhabhatisilwe a to huma ngu matini. Konako, nzuma yi to tuleka, se Jesu e wona Moya wa Txizimu, wu nga ti relela nga dituva txitimwi kwakwe.

Marku 1:9

Ka oneyo masiku, Jesu a tile ngu Nazareta ka Galileya, a ta bhabhatiswa ngu Johani, mnamboni ka Jordhani.

Marku 1:11

Ku to huma dipswi da kuta ngu nzumani, di txi kha dona: “Awe u Mwanana wangu wo randeka ngutu, awu ni mu tsakelako.”

Marku 9:7

Sekoko, ku to humelela direfu, adi di nga ta va fenengeta ngu mtsudi wa dona, se ngu ka dona ku to pfala dipswi di txi kha dona: “Awuwa i Mwanana wangu ni mu randako. Mu engiseni!”

Luka 2:14

“Txi na dhumiswe Txizimu txitimwi nzumani ni kudikha ku na tale ha mafuni, ka vale txona txi va dhundako.”

Johani 5:37

Nene Tate wu a nga ni ruma, a mahile wufakazi ngu ngani. Anu txima kha mi zivi kupfa dipswi dakwe, hambi ni kuwona txiemo txakwe ni ditshiku ni da dimwedo.

Johani 12:28

Tata dhumisa ditina dako.” Ti di mahile eto, kutota dipswi ngu nzumani, adi di nga womba ku khene: “Ani ni di dhumisile, kambe ni na engeta ni di dhumisa!”