Luka 3:20 - Bhiblia Yo Sawuleka

²⁰ a to engetela, txitimwi ka totshe tiya, mhaka ya kusekela Johani mkorani.

Luka 3:20 Referans Kwoze

Mtuletelo 16:6

Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

Johani 3:24

Johani a ti sinzi kukhotelwa mkorani.

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Nehemiya 9:26

Hambi keto, kha va kuengisa, va to kuwukela, ve tshuralela mlayo wako, ve daya vaprofeti vako, va va nga ti ti womba-womba kwawe, ti to ve tshumelela kwako; se va to maha wubihi wa hombe.

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

2 Vafumeli 24:4

kumweko ni mnoha wo mbi na mnandu, wu nga theketwa walo, ku txi tala Jerusalema ngu mnoha wo mbi na mnandu; ngu mhaka yeto, Mkoma kha tumela ku m'divalela.

2 Vafumeli 21:16

Kambe kupinda eto, Manasi a theketile ngutu mnoha wa vo mbi na mnandu, wu tata Jerusalema, kukhukhela magwito kala kumwani magwito, eza e onhisa Judha, ngu kumaha wubihi masoni ka Mkoma.

Matewu 4:12

Ngako Jesu a di engisile ti to Johani a khotetwe, a to khukha e tsula Galileya.