Luka 24:50 - Bhiblia Yo Sawuleka

⁵⁰ Msana keto, a va tekile a txi va yisa hafuhi ni Bhetaniya, a txi guleta manza a txi va katekisa.

Luka 24:50 Referans Kwoze

Mithumo 1:12

Sekoko va to khukha ka mmango, wu dhanwako ku mbwa Miolivha, awu wu ku hafuhi ni Jerusalema, mnava wa kudingana nzila ya ditshiku da Sabbata, se ve tshumelela Jerusalema.

Matewu 21:17

Msana keto, a to khukha a txi va siya, e huma didhoropani e tsula Bhetaniya, ahawa a nga ya otela kona.

Genesisi 49:28

Votshe vava va tshanganisa digumi da tihunzu ni timbidi ta Israyeli, atiya timhaka ngu tona ti tate wawe a nga va gela. Ene a va katekisile, mmweyo ni mmweyo madingano ni fanelo yakwe.

Marku 11:1

Ngako va txi tshuketela Jerusalema, hafuhi ni Bhetfage ni Bhetaniya, mmangoni ka Miolivha, Jesu a to rumela vambidi ka vagondiswa vakwe,

Marku 10:16

Konako a to si singarela a txi si sanzeka manza, a txi si katekisa.

Genesisi 48:9

Josefa a xamute, a txi khene: Mbanana vangu, ava Txizimu txi nga ta ni ninga ditikoni muwa. Jakobe a to engeta, a txi khene: Na ku kombela, va tise hafuhi kwangu, kasiku ni txi va katekisa.

Genesisi 27:4

Ngako u di mani txihari, u nata ni bhikela sakudya so tshamba, asi ni si dhundako, u txi ta naso, kasi ni nata dya ni txi kukatekisa, ni sinzi kufa.

Levhi 9:22

Msana keto, Aroni a to guleta manza txitimwi ka vathu, e va katekisa; se a to relela a di gwitile kumaha mningelo wo divalela sionho, ni mningelo wo hiswa, ni mningelo wa kudikha.

Joxuwa 22:6

Joxuwa a to va katekisa, e va gela ti to ve tsula, se vona va to tshumelela matendani kwawe.

Luka 24:51

Mbimo yi a nga txi va katekisa, a to va siya, a txi guleka a txi ya txitimwi.

Mithumo 1:9

A di wombile timhaka tiya, a to guleka na va txi mu wona, se direfu di mu tsivela, va si swi va txi mu wona.

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,