Luka 24:49 - Bhiblia Yo Sawuleka

⁴⁹ Wonani: Ani ni na ya mi rumela, txi ta kwanu, txithembiso txa Tate wangu. Kambe zumbani didhoropani kala kuza mi txi ambaliswa mtamo wa kuta ngu txitimwi.”

Luka 24:49 Referans Kwoze

Mithumo 1:8

Aniko, mi na amukela mtamo wa Moya wo Sawuleka, wu no txhika txitimwi kwanu, se mi na va mi di tifakazi tangu ahawa Jerusalema ni ka dotshe ditiko da Judheya ni Samariya, kala magemeta-mitshi ka ditiko.”

Mithumo 1:4

Hagari ka kuva a di khalahatshile navo ha sakudyani, a to va gela, a txi khene: “Mi nga khukheni muwa Jerusalema, aniko verelani Txithembiso txa Tate, i ku wule ni khalako ni txi womba-womba ngu ngene.

Johani 14:26

Kambe Mthaveleli, i ku Moya wo Sawuleka, awu Tate a no mi rumela ngu ditina dangu, ene a nata mi gondisa sotshe simaha ni ku mi alakanyisa totshe ti ni khalako ku mi gela.”

Isaya 32:15

Kala kuza wu txhika txitimwi kwathu Moya wa txitimwi; sekoko txiwula txi na hinduka txi maha thembwe yo nona, kambe thembwe yo nona yi na maha txitinga.

Johani 15:26

“Mbimo yi a nota Mthaveleli, awu ni no m'rumela kwanu, a txi huma ngu ka Tata, i ku Moya wa ditshuri, a humako ngu ka Tata, ngene wu a nota maha wufakazi ngu ngani;

Mithumo 16:7

Se ngako va di hokile mihinganoni ka Misiya, va to duketa kuwulela ditikoni ka Bhitiniya, kambe Moya wa Jesu kha wa va tumelela.