Luka 24:47 - Bhiblia Yo Sawuleka

⁴⁷ ni tiya kambe taku ku na txhumayelwa, ngu ditina dakwe, mhaka ya kutilaya ni kudivalelwa ka sionho ka otshe matiko, kukhukhela Jerusalema.

Luka 24:47 Referans Kwoze

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

Isaya 49:6

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Mithumo 2:38

Pedro a to va xamula, a txi khene: “Hundulukani, se mmwani ni mmwani a na kombele kubhabhatiswa ngu ditina da Jesu Kristu, kasiku e mana kudivalelwa sionho. Ti di mahile eto, mi na amukela txihiwa i ku Moya wo Sawuleka.

Mithumo 20:21

Kufakaza kwangu i ti ka kulaya Vajudha ni Vagriki, kasiku ve hunduluka ve kholwa ka Txizimu, ni ka Mkoma wathu Jesu Kristu.”

Mithumo 13:46

Aniko Paulo ni Bharnabhasi, na va si thavi txilo, va to womba, va txi kha vona: “Ku ti fanete kuthanga ngu kwanu hi txi huwelela dipswi da Txizimu. Aniko ngako mi di rethelako kule ni nanu mipune, mi ti pfako mi si nga ni fanelo ya wutomi wo mbi guma, senikoko athu ha tshumelela ka vamatiko.

Matewu 28:19

Ngu toneto, tsulani mi txi ya phindula vamatiko votshe, ve maha vagondiswa vangu, mi va bhabhatisa ngu ditina da Tate, ni da Mwanana, ni da Moya wo Sawuleka,

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Mithumo 11:18

Ngako va di pfite timhaketo, va to malala ve dhumisa Txizimu, va txi kha vona: “Kunene, ni vona vamatiko Txizimu txi va ningile kuhunduluka ku ku yisako wutomini.”

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Jeremiya 31:34

Kha ku na mbi maneka wo gondisa mwakelani, hambi mmwani ka mwanawe, ku khene: Zivani Mkoma; nguko votshe va na ni ziva, kukhukhela ka wam'dotho wawe kala ka wa hombe, kuwomba Mkoma; nguko ni na divalela wubihi wawe, kha ni na mbiswa ni txi alakanya sionho sawe.

Masalmo 86:9

Mkoma, awe u mahile mifumo yotshe, se yona mifumo ya ta masoni kwako yi ta dhumisa ditina dako.

Matewu 3:2

a txi khene: “Hundulukani, nguko wu hafuhi Mfumo wa nzumani.”

Hoseya 2:23

Ni na tiphayela ene ha mafuni, ni pfela wumbilu Lo-Ruwama; se ka Lo-Ami ni na khani: Awe u ditiko dangu! Se ene a na khene: Awe u Txizimu txangu!

Masalmo 22:27

Vathu va yotshe mifumo va na alakanya Mkoma; ngu ka otshe madhawa a ditiko va na wuya kwakwe. Totshe tihunzu ti na mkhozela.

Genesisi 12:3

Ni na katekisa wule a no kukatekisa, ni ruketela wule a no kueyisa. Ngu mhaka yako, ti nava ti txi katekiswa totshe tixaka ta ha mafuni.”

1 Johani 2:12

Ni bhalela anu, sivananananu nguko, sionho sanu si divaletwe ngu ditina da Kristu.

Vakolosa 1:27

Ka vonavo, Txizimu txi ti lavile kuvaninga kuziva lisima la thomba ni wudhumo wa txona txikungo txiya hagari ka vamatiko: Kristu hagari kwanu i txithembo txa kupfaliswa kwanu.

Mithumo 10:43

Ngene wu va mu fakazelako votshe vaprofeti, ti to wuhi ni wuhi a kholwako kwakwe, a na amukela divalelo ya sionho ngu mtamo wa ditina dakwe.”

Mithumo 4:12

Ku walo mmwani a sikotako kuhanyisa, kha di nga ho dimwani ditina, hahatshi ka nzuma, adiya vathu va nga ningwa, kasiku va txi hanyiswa ngu dona.”

Mithumo 3:19

Ngu toneto, pandisekani mbiluni kwanu, mi txi hunduluka, kasi mi na mana divalelo ya sionho sanu.

Mika 4:2

Se matiko amangi ma na ya ma txi ya kha ona: Ngonani, a hi kweleni mmangoni ka Mkoma, ni Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma ngu Jerusalema.

Isaya 52:15

Ngu kumaha keto, a na xamalisa matiko o tala, ni vafumeli va na pwata ni txo ngu mhaka yakwe, nguko va na wona ni ti va sinziko kuziviswa, se ni tile va nga mbi tipfa, va na ti pima.

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Vaefesu 1:6

kasi ku hi txi pfalisa Txizimu ngu wudhumo wa tikateko ta txona, hi nga ningwa ngu Mwanana wa txona wo randeka.

Varoma 5:20

Mlayo wu tile kasi kuonha ku txi anda; aniko, ahawa kuonha ku nga anda kona, kateko yi andile ngu kupindisa;

Mithumo 28:28

“Ti ziveni koko ti to mhaka yiya ya kuhanyiswa ngu Txizimu yi rumetwe ka vamatiko, se vona va na yi engisa.”

Mithumo 26:20

Aniko kukhata ni txhumayete ka va Dhamasku, ni va Jerusalema, ni va dotshe ditiko da Judheya, kala ka vamatiko, ti to ve phinduka ve wuya ka Txizimu, va txi maha mithumo yi yi dinganako kuphinduka kwawe.

Luka 13:34

Jerusalema, Jerusalema, awe u dayako vaprofeti, u txi va balisela ngu marigwi ava va nga rumwa kwako, nzikhati singani, ni nga lava kusengeleta vanana vako, nga khukhu yi fundamelako sisondo sa yona hahatshi ka mabhapi a yona, kambe khwa ti lava.

Matewu 9:13

Tsulani mi ya gonda ti to ti txhamusa txani ati taku: ‘Ni dhunda ngutu wumbilu kupinda timhamba!’ Nguko kha na tela ku ta dhana valulami, aniko ni tete vaonhi.”

Hoseya 11:8

Ni ndi na kulekisa kutxani, awe Efrayime kani? Ni ndi na kuningelisa kutxani, awe Israyeli kani? Ni ndi na kumahisa kutxani ku nga Adhama kani? Ina ni ndi na kuveka ku nga Zebhoyimi kani? Mbilu yangu yi txitxile mndani kwangu, kotshe kunavela kwangu ka tura.

Isaya 49:22

Mkoma a womba tiya: Wonani taku, ni na guleta dianza ka matiko, ni na gwimbela m'jeke wangu vathu; sekoko va na tisa vanana vako mawokoni, ni vanana vako vamahorana va na va pakata hamakata.

Isaya 11:10

Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.

Isaya 5:4

Njitxani tximwani txo dingana ku txi mahwa ka thembwe yangu atxi ani ni nga mbi txi maha kani? Ni ti verete kuvelekwa ka mauvha o tshamba, se ku txi ta velekwa mauvha o bava kani?

Masalmo 67:7

Txizimu txi na hi katekise! Mafu otshe ma na txi thave!