Luka 24:45 - Bhiblia Yo Sawuleka

⁴⁵ Sekoko a to va tula mapimo awe, kasiku ve mana kupfisisa Mibhalo;

Luka 24:45 Referans Kwoze

Mithumo 16:14

Se mmweyo wa wamsikati, awu a nga ti dhanwa ku i Lidhiya, mxavisi wa tinguwo ta masilika o bhilivila, wa kuta ngu Tiyatira, awu a nga ti ni txithavo ka Txizimu, a ti ti hi engisela; se Mkoma a to tula mbilu yakwe, kasiku e engisa mapswi awa Paulo a nga ti womba-womba ona.

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

Masalmo 119:18

Tula maso angu, kasiku ni wona sidiwukiso sa mlayo wako.

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

Luka 24:32

Vona va to gelana va txi kha vona: “Ina hi si pfi kufutumela mndani ka timbilu tathu, mbimo yi a nga ti womba-womba ni nathu ha nzila, na a txi hi txhamusela ni ku hi tuletela ta Mibhalo, kani?”

Eksodha 4:11

Se Mkoma a to mxamula a txi khene: “I mani a nga va nga txisofu txa m'thu kani? Mwendo i mani a nga maha txiduma mwendo diphanzeve, awule a wonako ni wule i ku dibhofu kani? Ina hi nga ani Mkoma kani?

Jobe 33:16

Sekoko Txizimu txa tula tinzeve ta vathu, kambe txa tsanisa sileleto sa txona,

Mtuletelo 3:7

Ka ngelozi ya Dibanza da Filadhelfiya, bhala u txi khawe: “A womba tiya msawuleki, awu wa Ditshuri, awu a ku ni khiya ya Dhavhidha, awu a tulako, ku si maneki ni wammweyo wo seka, awu a sekako, ku si maneki ni wammweyo wo tula.