Luka 24:44 - Bhiblia Yo Sawuleka

⁴⁴ Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Luka 24:44 Referans Kwoze

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Mithumo 13:33

Txizimu txi tatisile txithembiso txiya kwathu, vanana vawe, ngu kuwusa Jesu, nga ti ti nga bhaliswa tona amu ka dibhuku da Masalmo, va txi kha vona: ‘Awe u mwanana wangu, ni ku velekile nyamsi.’ ”

Luka 9:22

A txi txhamusela ku khene: “Mwanana wa M'thu a fanete kuxaniseka ngutu, a txi vengelwa ngu madhota a ditiko ni vaphaxeli va hombe ni vabhali, a txi ningelwa kuya dawa, aniko ngu ditshiku da wuraru, a na wuka.”

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Mtuletelo 19:10

Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

Vahebheru 10:1

Se, ngako mlayo i ku txifananiso dwe, txa simaha sa sinene si si tako, i ku si nga sona simahaso sa sinene sipune si ti wonekisako, wona mlayo, hambi kumahwa ka timhamba to wuyelelwa yotshe mbimo, ati ti ningelwako kugumani ka dilembe ni dilembe, kha wu sikoti ni ka kudotho kuyisa kuhetisekani avale va manako txihiwa ka tona timhambeto.

Johani 5:46

Idiku mi ti ko kholwa ka Mosi, nga mi ndi na kholwa ni kwangu, nguko ene a bhate ngu timhaka tangu.

Zakariya 6:12

Se m'gele, u txi khawe: Mkoma wa Mabutho a Tiyimbi, a khene: Ndiyo m'thu wu ditina dakwe i ku Kuthunga; Ene a na mila ka wukhalo wakwe, kambe a na aka dithepele da Mkoma.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Isaya 28:16

Ngu mhaka yeto, Mkoma Txizimu a khene: Wonani taku ani ni vekile dirigwi Siyoni, dirigwi di koko di nga tumelwa, dirigwi da lisima da ha dikhonani, do tsana ngutu, kambe do tshima; awule a kholwako kha na mbi thava.

Masalmo 118:22

Dirigwi diya vaaki va ngadi nyenya di mahile dirigwi da hombe do tsanisa.

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Ezekhiyele 34:23

Kambe ni na ti wusela m'dyisi mmweyo dwe, se ene a na ti dyisa; txithumi txangu Dhavhidha a no ti dyisa; ene a na va m'dyisi wa tona.

Isaya 52:13

“Wonani taku, txithumi txangu txi na maha ngu wunene; txi na kuliswa, ni kuguletwa, ni kuthaviseka ngutu.”

Genesisi 22:18

Se ngu ka liveleko lako yi na katekiswa yotshe mifumo ya ha mafuni, nguko u engisile dipswi dangu.”

Vahebheru 9:8

Moya wo Sawuleka wu lavile kukombisa, ka toneto, ti to nzileyo ya wukhalo wo sawuleka kha yi nzi kutuleka, ngako ditenda do khata di di ngadi emile.

Johani 5:39

Anu mi wonisisa Mibhalo ngu kualakanya tito, mi na mana wutomi wo mbi guma ka yona, kasi ngu yona yi ni fakazelako.

Zakariya 14:4

Se ka ditshiku donedo, Mkoma a na ema txitimwi ka mmango wa miolivha, yi yi ku hafuhi ni Jerusalema, ngu didhawa da wutxani; se mmango wa miolivha wu na abaneka ngu hagari, ngu wutxani, ni mswa-ditambo, kambe ku nava ni mkova wa hombe ngutu; hafu ya mimango yi na tshuketa wuphemba, se yimwani hafu yi na tshuketa wulambwe.

Dhaniyeli 7:13

Ka txiwoniso txangu txa wusiku, ni to wona txo fana ni mwanana wa m'thu, a txi ta ngu ka marefu a nzumani; se a to tshuketela ka didhota dile da kale, eza e hoka hafuhi ka dona.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Ezekhiyele 17:22

Mkoma Txizimu a khene: Se ni na teka tshoka ya mkedhari ni txi yi phaya; ka ale ma thungako ni na wila da diphya ngutu, ni txi ya di phaya ka mmango wo guleka, wo tshura.

Jeremiya 23:5

Se mata masiku, kuwomba Mkoma, aawa ni no wusela ka ona Dhavhidha dikhukhu do lulama. A nava mfumeli wa txitshurwa, a na humelela, ene a na lamula ngu mlayo ni wululamo, ha ditikoni.

Mitengo 35:25

Se msengeletano wu na hulukisa m'dayi manzani a mphoteli wa mnoha, kambe msengeletano wu na mtshumeta eya ka didhoropa da wuthavelo, amu a nga ti tutumete kona; eya zumba kona an'ze a txifa mphaxeli wa hombe, awu va nga mtota mafura o sawuleka.

Mitengo 21:8

Se Mkoma a to xamula, a txi khene ka Mosi: Maha mnyoka wo tura, u wu hayeka ha phandeni, ti to ngako m'thu a txi lumwa ngu mnyoka, e wonetela mnyoka wa msuku, kasi a na hanya.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Johani 3:14

Nga kule Mosi a nga hayeka mnyoka txiwulani, kufana ni toneto nene Mwanana wa M'thu a na hayekwa,

Luka 24:46

Se a txi khene kwawe: “Ti bhatwe ti to Mesiya a ti fanela kuxaniseka, a txi wuka ngu hagari ka vakufa ngu ditshiku da wuraru,

Jeremiya 33:14

“Wona taku, mata masiku, kuwomba Mkoma, ayo ni no tatisa mhaka ya yinene, ayi ni nga yi womba ngu nyumba ya ka Israyeli, mayelano ngu nyumba ya ka Judha.”

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Genesisi 14:18

Melkisedheki, mfumeli wa Salema, a to tisa dipawu ni vhinya, ene i ti mphaxeli wa Txizimu Nyatxitimwi.

Vahebheru 7:1

Melkisedheki wuwa, mfumeli wa Salema, mphaxeli wa Txizimu Nyatxitimwi, a to hingeta Abrahamu, awu a nga ti wuya ngu kuxulani ka vafumeli; se e mkatekisa.

Vahebheru 3:5

Se Mosi, a ti thembekile mndani ka yotshe Nyumba ya Txizimu, kota txithumi, kasi ku e maha fakazi ya totshe ti ti nga ti fanete kuwombwa.

Mithumo 7:37

I ngadi ene Mosi awu a nga womba ka vanana va ka Israyeli, a txi khene: Txizimu txi na wusa hagari ka vananu mprofeti wo nga ani.

Luka 22:37

Nguko ani na mi gela ti to khani, di fanela kutatiseka kwangu dipswi di di nga bhalwa daku: ‘A batwe kumweko ni sindaka-milayo.’ Nguko ati ti nga bhalelwa ani, ti fanete kutatiseka.”

Luka 21:22

nguko masikuyo masiku a kupharela, kasiku totshe ti ti nga bhalwa ti hetiseka.

Luka 9:44

“I di anu, engisani ta tinene mapswi awa: Mwanana wa M'thu a na ningelwa manzani ka vathu.”

Matewu 26:56

Sekoko totshe tiya, ti mahekile kasi kutatiseka Mibhalo ya vaprofeti.” Ngu konaho votshe vagondiswa, va to mleka, ve thava.

Matewu 26:54

Se yi na tatisekisa kutxani Mibhalo yi yi wombako ti taku: Totshe tiya ti fanela kumaheka?”

Matewu 16:21

Kukhukhela ka donedo ditshiku, Jesu a to khata kukomba vagondiswa vakwe ti to a fanete kutsula Jerusalema eya xaniswa ngutu ngu madhota ni vabhali, ni vaphaxeli va hombe, ni ti to a na dawa, se ngu msana a na tshumela e wuka ka vakufa ngu ditshiku da wuraru.

Amosi 9:11

Ka ditshiku dile, ni na tshumela ni guleta ditenda da Dhavhidha, di nga wa, ni vhaletela amule ku nga vharuka, ni tshumela ni wusa marumbi, ni ma aketa kufana ni masiku a kale;

1 Pedro 1:11

Vona va wonisisile mbimo ni mamahekelo awa ma nga kombwa ngu Moya wa Kristu, wu wu nga ti navo, awu wu nga ti va profetela, sixaniso sa Kristu, ni kupfaliswa kuwa ku nga ti fanela ku si londisa ngu msana.

Mithumo 3:18

Kambe Txizimu, ngu nzila yo nga tiya, txi lavile kutatisa ati txi nga songolela ku ti womba ngu txisofu txa votshe vaprofeti, atiya taku: Kristu a fanete kuxaniseka.

Marku 9:31

nguko a ti lava kugondisa vagondiswa vakwe. A txi va gela ku khene: “Mwanana wa M'thu a na ningelwa manzani ka vathu. Vona va na m'daya, kambe ma di pindile masiku mararu msana ka kufa kwakwe, ene a na wuka.”

Matewu 1:22

Totshe tiya ti mahekile kasi kutatiseka atile Mkoma a nga womba ngu mprofeti, a txi khene:

Mithumo 2:27

nguko khu na mbi tshotsha moya wangu wukhaloni ka vafi, kambe khu na mbi tumetisa msawuleki wako e wona kusina.

Mithumo 13:40

Ngu konaho, ti woneleni kasiku ti si mi humeleli ati ti nga wombwa ngu vaprofeti, tito: