Luka 24:4 - Bhiblia Yo Sawuleka

⁴ Se, va di ngadi va txi xamala ngu tona, hingani wona: Vavamna va vambidi va to humelela kwawe, va di ni tinguwo to phatima.

Luka 24:4 Referans Kwoze

Marku 16:5

Va di wulete diyivani, va to wona dijaha di di khalahatshile, didhawa da txinene, di di ambate nguwo yo basa, se ve xamala ngutu.

Mithumo 1:10

Na va di ngadi va txi wonetela nzumani, mbimo yi ene a nga txi tsula, konaho ku to humelela majaha mambidi, ma nga ti ambate tinguwo to basa,

Genesisi 18:2

Se a to gula maso, e wona majaha mararu ma di emile, hafuhi kwakwe, neti a nga va wona, a to khukha ha txikeni ka ditenda dakwe e va hingeta, se a to ti wisa hahatshi masoni kwawe

Luka 2:9

Ngelozi ya Mkoma yi to woneka hafuhi kwawe, se kuphatima ka Mkoma ku txi va randela, se vona ve khata kutelwa ngu dizowa.

Luka 24:5

Ngako va di tate ngu kuthava, vavasikati va to namisa tikhohe tawe, va txi wona hahatshi. Vavamna va to va gela va txi kha vona: “Mi lavela txani hagari ka vafi awu a hanyako, kani?

Mithumo 12:7

Kunukunuko Ngelozi ya Mkoma yi to woneka, se kukhanya ku txi woninga nyumbani. Se ngelozi yi to gwesa Pedro, ha didhawa, yi mu wusa yi txi kha yona: “Kuluveta u txi khukha!” Se titxhini ti nje kuwa ngu manzani kwakwe.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”