Luka 24:39 - Bhiblia Yo Sawuleka

³⁹ Wonani manza angu ni mikondo yangu. Ngani ngu wutumbu wangu. Ni aveteteni mi txi wona, nguko txigono kha txi nga ni nyama ni marambu, kufana ni ti mi ni wonisako tona, ani ni ku naso.”

Luka 24:39 Referans Kwoze

Johani 20:27

Ngu msana a to gela Tomasi, a txi khene: “Tisa litiho lako ahawa, u txi wona manza angu; tshuketisa dianza dako, u txi di beta ha didhawani kwangu, u nga swe kambe u txi ti maha mkaneti, aniko kholwa.”

1 Johani 1:1

Hi bhala ta wule i ku Dipswi da wutomi, awu i ngadi ene kukhukhela makhatoni; awu hi nga mu engisa, awu hi nga ti mu wona ngu maso athu, awu hi nga mu wonisisa, awu hi nga m'gwesa ngu manza athu.

Johani 20:20

A di wombile toneto, a to va komba manza ni didhawa dakwe. Vagondiswa va to tsaka ngu kuwona Mkoma.

Ekleziyaste 12:7

ni lithulu li txi tshumela liya mafuni, nga ti li ngadi ngu tona, ni moya wu tshumela wu tsula ka Txizimu, txi txi nga mninga.

1 Vatesalonika 5:23

Txizimu txa kudikha ngu wutumbu wa txona txi na mi basise ka sotshe, se wotshe wuthu wanu, m'hefemulo, moya, ni mmidi, zumbani mi di si veketile ngu fanelo kala kuwuyani ka Mkoma wathu Jesu Kristu.

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

Vahebheru 12:9

Hahanze ka toneto, hi ni vatate vathu va mmidi, avava va nga hi gondisa, vona ha va xonipha. Ina kha hi faneli kuthava ngutu Tate wa mimoya, kasi ku hi na hanya kani?

Johani 20:25

Vamwani vagondiswa va mgete, va txi kha vona: “Hi woni Mkoma!” Aniko ene a to khene kwawe: “Ani ngako ni si woni mu ka manza akwe timbowo ta sipikiri, ngako kambe ni si wuleti litiho langu mu ka timbowo ta sipikiri, ni kuveka dianza dangu ha didhawani kwakwe, kha ni na mbi kholwa.”

Mithumo 1:3

Ka vona kambe a ti wonekisile ngu sikombiso so tala, msana ka kuxaniseka kwakwe, ti to wa hanya. A ti wonekisile kwawe mndani ka mune wa magumi a masiku, na a txi va txhumayela ngu timhaka ta Mfumo wa Txizimu.

Luka 23:46

Se Jesu a to huwelela ngu dipswi da hombe, a txi khene: “Tata, na ningela moya wangu manzani kwako.” A di gwitile kuwomba tiya, a to fa.

Luka 24:38

Se ene a to va gela a txi khene: “Mi thava txani, kambe mi kana-kana ngu txani timbiluni kwanu kani?

Luka 24:40

Se a di wombile tiya, a to va komba manza akwe ni mikondo yakwe.