Luka 24:38 - Bhiblia Yo Sawuleka

³⁸ Se ene a to va gela a txi khene: “Mi thava txani, kambe mi kana-kana ngu txani timbiluni kwanu kani?

Luka 24:38 Referans Kwoze

Jeremiya 4:14

“Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

Vahebheru 4:13

Kha txi nga ho txiwumbwa ni txa tximwetxo txi sikotako kusisala masoni ka Txizimu, nguko, sotshe si tulekile si txi maneka si di ha kubasani masoni ka wule hi fanelako kuya thethiswa ngu ngene.

Matewu 16:8

Kambe Jesu, ngukuva a di ti zivile totshe, a to khene kwawe: “Vathu va kukholwa ka kudotho! Nji txani mi wombawombisana mi txi khanu: Ngu kuwa mi nga mbi teka mapawu kani?

Dhaniyeli 4:19

Sekoko Dhaniyeli awule ditina dakwe i ku Bheltexezari, a to xamala, a txi dwee, ngu ora yimweyo, a txi karateka mapimoni kwakwe. Se mfumeli Nebhukodhonosori a to womba, a txi khene: “Bheltexezari, u nga karateke ngu mhaka ya mloro, hambi txhamuselo ya wona.” Bheltexezari a to xamula a txi khene: Nyamne wangu, mloro wuwa wu na wukele vale va ku nyenyako, ni txhamuselo ya wona, ka valala vako.

Dhaniyeli 4:5

Se ni to lora mloro wu wu nga ni dhukisa; se maalakanyo angu ni siwoniso si to ni xanisa ni di m'bhedhuni.

Luka 24:37

Vona va to dhuka ngutu, va txi telwa ngu dizowa, ngu kupimisa ti to njigono va txi wonako.

Luka 24:39

Wonani manza angu ni mikondo yangu. Ngani ngu wutumbu wangu. Ni aveteteni mi txi wona, nguko txigono kha txi nga ni nyama ni marambu, kufana ni ti mi ni wonisako tona, ani ni ku naso.”