Luka 24:36 - Bhiblia Yo Sawuleka

³⁶ Se va di ngadi va txi xawutela mhaka yiya, Ene a to ti wonekisa hagari kwawe, a txi va losa, a txi khene: “Kudikha ku nave ni nanu!”

Luka 24:36 Referans Kwoze

2 Vatesalonika 3:16

Mkoma wa kudikha a na mi ninge kudikha yotshe mbimo ni otshe makhalo. Mkoma a nave ni nanu motshe.

Luka 10:5

Ka nyumba yihi ni yihi mi no wulela ka yona, khatani ngu ku khanu: ‘Kudikha ku nave ka nyumba yiya.’

Marku 16:14

Ngu kugwitisa a to woneka ka va digumi ni mmweyo, va di ha sakudyani, e va kawuka ngu ku ambi kholwa kwawe ni kubanga ka timbilu tawe, nguko kha va kholwa ngu va va nga mu wona, a di wukile ngu ka vafi.

Isaya 57:18

Ani na ti wona tinzila tawe, hambi keto ni na va hanyisa; kambe ni na va thangela ni tshumela ni va thavelela, ni vale va dilako navo.

Mtuletelo 1:4

Ani Johani ni bhalela mabanza a mtxhanu ni mambidi ma ku Asiya: Kwanu na mi navelela makatekwa ni kudikha, si txi huma ngu ka wule a kuho, awule a nga ti ho, awule a tako, si txi huma ngu ka mtxhanu wa mimoya ni yimbidi yi ku masoni ka txikhalo txakwe txa wukoma,

1 Vakorinto 15:5

A ti wonekisile ka Khefasi, se ngu msana e wonwa ngu vale va digumi ni vambidi.

Johani 20:26

Ku di pindile mtxhanu wa masiku ni mararu, va to tshangana kambe vagondiswa nyumbani, se Tomasi a ti ti ho nene. Ku di sekilwe matimba, a to ta Jesu, a ta ema hagari kwawe, na a txi va losa kambe ngu mapswi awa: “Kudikha ku nave ni nanu!”

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

Matewu 10:13

Ngako nyumba yi di ni fanelo, kudikha kwanu ku na zumba ka yona, aniko ngako yi si nga ni fanelo, kudikha kwanu ku na tshumelele kwanu.

Mithumo 1:3

Ka vona kambe a ti wonekisile ngu sikombiso so tala, msana ka kuxaniseka kwakwe, ti to wa hanya. A ti wonekisile kwawe mndani ka mune wa magumi a masiku, na a txi va txhumayela ngu timhaka ta Mfumo wa Txizimu.

1 Vakorinto 15:7

Msana keto, kambe a ti wonekisile ka Jakobe, se kugwita keto, a ti wonekisile ka votshe vapostoli.