Luka 24:32 - Bhiblia Yo Sawuleka

³² Vona va to gelana va txi kha vona: “Ina hi si pfi kufutumela mndani ka timbilu tathu, mbimo yi a nga ti womba-womba ni nathu ha nzila, na a txi hi txhamusela ni ku hi tuletela ta Mibhalo, kani?”

Luka 24:32 Referans Kwoze

Luka 24:45

Sekoko a to va tula mapimo awe, kasiku ve mana kupfisisa Mibhalo;

Vahebheru 4:12

Dipswi da Txizimu da hanya, di ni mtamo. Da hinda kupinda ditxhari do lotwa ka otshe madhawa, dona da milela mndani, kala kuya abanisa mmidi ni moya, kala kuya thola matshanganoni ka marambu ni mndani ka wuluvi, di ya tumbula mialakanyo ni makungo a mbilu.

Jeremiya 23:29

Ina mhaka yangu kha yi fani ni mndilo kani? Kuwomba Mkoma! Kha yi fani ni hamela yi bhandako marigwi kani?

Jeremiya 20:9

Sekoko ani ni ti khani: Kha ni na mbi mu alakanya, hambi kuwombawomba ngu ditina dakwe; aniko eto mbiluni kwangu ti to nga mndilo wo tura, na wu di tsivetwe marambuni kwangu; kambe ni rerekile ngu kuxaniseka se kha ni sikoti.

Masalmo 39:3

mbilu yangu yi ti tura khanani kwangu! Kuxanisekani kwangu, ku to tura mndilo mndani kwangu; se ni wombile ni txi khani:

Jeremiya 15:16

Timhaka tako ni ti mani, ngu tona i nga ti ti kudya kwangu; tona i ti ti litsako ni kuzilimuka ka mbilu yangu, nguko ni dhanwa ngu ditina dako, awe Mkoma, Txizimu txa Mabutho a Tiyimbi.

Mavingu 27:17

Kufana ni simbi yi lotako yimwani simbi, ngu toneto kambe ni m'thu, wa thuvikisa khohe ya mmwani.

Johani 6:63

Moya ngu wona wu hanyisako, kasi mmidi kha wu vhuni txilo. Mapswi awa ni nga mi gela i moya ni wutomi.

Mithumo 28:23

Ngako va di mu vekete ditshiku, va to ta nyumbani kwakwe, i di vangi. Ka mapswi a kutxhamusela kwakwe, Paulo a ti fakaza ngu ta Mfumo wa Txizimu se kukhukhela ha mixo kala minova, a txi zama ku va kholwisa ngu ta Jesu, a txi va dinganisela ngu Mlayo wa Mosi ni Vaprofeti.

Isaya 50:4

Mkoma Txizimu a ni ningile lidimi lo gondisa, kasi ku ni ziva kuwomba ngu mbimo ya kona, dipswi da dinene ka wule wo karala. Ene wa ni wusa mixo ni mixo, wa ti tula tinzeve kasi ku ni engisa, kufana ni vale va gondako.

Masalmo 104:34

Ndando yangu yi na tsakise Mkoma, nguko ani ni tsakela ene.

Mavingu 27:9

Mafura ni sotshe so nungela si tsakisa mbilu; ngu toneto ni sileleto sa mngana, ka wule a lwalako.

Marku 4:34

Kha womba mhaka kwawe, hahanze ka kumaha ngu sidinganiso. Se ngako va di phuho, a ti ti txhamusela totshe timhaka ka vagondiswa vakwe.