Luka 24:30 - Bhiblia Yo Sawuleka

³⁰ Se a di khalahatshile navo ha mezani, a to teka dipawu, e di katekisa, se ngu msana e di bhanda, e va ninga.

Luka 24:30 Referans Kwoze

Matewu 14:19

Ngu msana keto, a to gela vathu ti to ve khalahatshela ha mwasini. Se e teka mapawu ale a mtxhanu, ni sihaka simbidi, e guleta maso a txi wona nzumani, e si katekisa, a txi si bhandelela, ngu msana e si ningela ka vagondiswa, se vagondiswa ve si abanisela ka vathu.

Luka 24:35

Se ni vona va to xawutela ati ti nga va humelela hagari ka nzila, ni ti va nga mu zivisa tona Jesu, mbimo yi a nga va khwemulela dipawu.

Luka 9:16

Jesu a to teka mapawu a mtxhanu ni sihaka sile sa simbidi, a txi gula maso a txi wona nzumani, a txi si katekisa, a txi si bhandelela, a txi si ningela ka vagondiswa, kasiku vona ve phakela dibutho;

Matewu 15:36

Ngako a di tekile mapawu yale ya mtxhanu ni mabidi ni sihaka sa kona, a to bonga a txi si bhandelela, a txi si ningela ka vagondiswa, se vona va to avela dibutho.

Mithumo 27:35

Ngako a di wombile tiya, a to teka dipawu e bonga Txizimu masoni ka votshe, e di bhanda e khata kudya.

Johani 6:11

Ti di ngeto, Jesu a to teka mapawu, se a di gwitile kubonga, a to ma avela ka vale va nga ti khalahatshile, a txi avelisa toneto ni sona sihaka. Va dyite nga ti va nga txi ti lavisa tona.

Luka 22:19

Ngu konaho a to teka dipawu, se a di bongile, a to di bhanda, a txi va ninga, a txi khene: “Asiya i mmidi wangu wu no ningelwa ngu kota yanu; mahani tiya kasi ku ni alakanya ngu tona.”

Marku 14:22

Mbimo yi va nga ti ha sakudyani, ene a to teka dipawu, a txi di katekisa, a txi di bhanda, a txi va ninga, a txi khene: “Tekani, asiya mmidi wangu.”

Marku 8:6

A to gela dibutho da vathu ve khalahatshela hahatshi, se e teka mapawu a mtxhanu ni mambidi, e bonga, e ma bhandela e ningela ka vagondiswa vakwe, kasiku vona va txi avela vathu.

Marku 6:41

Jesu, ngako a di tekile mapawu a mtxhanu ni sihaka sa simbidi, a to gula maso e wona nzumani e si katekisa e bhandela mapawu e ninga vagondiswa vakwe, ti to vona va txi ma avela ka vathu. Ni sihaka sa simbidi kambe asi avete ka votshe.

Matewu 26:26

Va di ngadi va txi dya, Jesu a to teka dipawu a txi di katekisa, a txi di bhanda, a txi di ningela ka vagondiswa vakwe, a txi khene: “Tekani mi txi dya, asiya mmidi wangu.”

Luka 24:29

Vona va to mkombela ngu kutamarisa va txi kha vona: “Zumba ni nathu, nguko ditambo di ya kuswani, se mbusiku.” Se Ene a to wulela m'tini e zumba navo.

Mithumo 2:42

Vona va ti ti khutalela kugondiswa ngu Vapostoli, ni mitshangano ya wukholwa ni kubhandelana ka dipawu ni kumaha mikombelo.

Mithumo 2:46

Ditshiku ni ditshiku va txi khutala kuya tshangana ngu mbilu yimweyo Dithepeleni, va txi bhandelana dipawu mitini kwawe, va txi dya sakudya ngu kutsaka ni kubasa ka mbilu.