Luka 24:29 - Bhiblia Yo Sawuleka

²⁹ Vona va to mkombela ngu kutamarisa va txi kha vona: “Zumba ni nathu, nguko ditambo di ya kuswani, se mbusiku.” Se Ene a to wulela m'tini e zumba navo.

Luka 24:29 Referans Kwoze

2 Vafumeli 4:8

Ku to maheka ati to dimwani ditshiku Elixa a txi ya Sunemi, a to wona wamsikati wokari wo mana, awule a nga m'zumbisa ni ku mninga dipawu; ku to maheka ati to yotshe mbimo a txi tolovela kupinda edya kona.

Genesisi 19:3

Loti a to ti khongotela ngutu tiza ti txi tumela kuwulela nyumbani kwakwe. A to ti lulamisela sakudya, e bhika mapawu o mbi na mtshumbelo, se tona ti dya.

Luka 14:23

Se nyamne wa m'ti a txi khene ka txithumi: ‘Tsula tinzilani ni tibhiyoni, u txi kurumeta vathu kuwulela, nyumba yangu yi za yi tala.

Mithumo 16:14

Se mmweyo wa wamsikati, awu a nga ti dhanwa ku i Lidhiya, mxavisi wa tinguwo ta masilika o bhilivila, wa kuta ngu Tiyatira, awu a nga ti ni txithavo ka Txizimu, a ti ti hi engisela; se Mkoma a to tula mbilu yakwe, kasiku e engisa mapswi awa Paulo a nga ti womba-womba ona.

Luka 24:28

Va di hokile hafuhi ni m'ti wu va nga ti ti ya ka wona, Jesu a to maha nga wolava kupinda.

Luka 24:30

Se a di khalahatshile navo ha mezani, a to teka dipawu, e di katekisa, se ngu msana e di bhanda, e va ninga.