Luka 24:27 - Bhiblia Yo Sawuleka

²⁷ Sekoko, a to khata ngu mibhalo ya Mosi ni ya vaprofeti e va txhamusela totshe ti ti wombawombako ngu ngene mu ka Mibhalo yotshe.

Luka 24:27 Referans Kwoze

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Dhewuteronome 18:15

“Mkoma, Txizimu txako, a na ku humisela mprofeti wo fana ni nani, hagari ka va ka kwanu; awule mi no fanela ku mu engisa”;

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Mithumo 10:43

Ngene wu va mu fakazelako votshe vaprofeti, ti to wuhi ni wuhi a kholwako kwakwe, a na amukela divalelo ya sionho ngu mtamo wa ditina dakwe.”

Johani 5:39

Anu mi wonisisa Mibhalo ngu kualakanya tito, mi na mana wutomi wo mbi guma ka yona, kasi ngu yona yi ni fakazelako.

Johani 1:45

Filipi a to mana Nathaniyele, a txi khene kwakwe: “Hi mmani wule Mosi a nga bhala timhaka takwe Mlayoni, ni Vaprofeti ni vona va bhate: I Jesu wa Nazareta, Mwana Josefa.”

Genesisi 22:18

Se ngu ka liveleko lako yi na katekiswa yotshe mifumo ya ha mafuni, nguko u engisile dipswi dangu.”

Isaya 50:6

Ni tshuralela vale va ni pekako, ni khohe yangu ka vale va ni xurulelako misisi; kha ni sisi khohe yangu, ka vale va ni poyilelako, ni ku ni thurela.

Luka 24:25

Konaho Jesu a to va gela a txi khene: “Ehee, vathu va ku ambi engisisa ni va timbilu ta kuswela kukholwa ka totshe ti ti nga wombwa ngu vaprofeti!

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Mika 7:20

Jakobe a na mninga kuthemba, se Abrahamu a na mninga wunene wule a nga xambanya ka vatate vathu, kukhukhela ka masiku a kale.

Dhaniyeli 7:13

Ka txiwoniso txangu txa wusiku, ni to wona txo fana ni mwanana wa m'thu, a txi ta ngu ka marefu a nzumani; se a to tshuketela ka didhota dile da kale, eza e hoka hafuhi ka dona.

Masalmo 132:11

Awe u mahile txithembiso ka Dhavhidha, txithembiso txi u no mbi txi tshuralela, u ti khawe: “Mmweyo wa vanana vako ni na mmaha mfumeli awu a no fuma msana kwako.

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Genesisi 26:4

Ani ni na maha ti to liveleko lako li txi tala ha mafuni nga tinyeleti ta nzumani, otshe matiko awa ni na ninga vatukulu vako, se ngu mhaka yawe, mifumo yotshe ya ha mafuni yi na katekiswa,

Mithumo 7:37

I ngadi ene Mosi awu a nga womba ka vanana va ka Israyeli, a txi khene: Txizimu txi na wusa hagari ka vananu mprofeti wo nga ani.

Ezekhiyele 34:23

Kambe ni na ti wusela m'dyisi mmweyo dwe, se ene a na ti dyisa; txithumi txangu Dhavhidha a no ti dyisa; ene a na va m'dyisi wa tona.

Ezekhiyele 37:25

Va na zumba ka ditiko dile ni nga ninga txithumi txangu Jakobe, emo va nga ti zumbile kona vatate vanu; se va na zumba ka dona, vona ni vanana vawe, ni vatukulu vawe, yotshe mbimo; kambe txithumi txangu Dhavhidha a na va mthangeli wawe, ngu ha ku si gwitiko.

Mithumo 3:24

Votshe vaprofeti va va nga womba-womba, kukhukhela ka Samuwele ni va va mu gametako, votshe va ma profetile masiku awa.

Mithumo 3:22

Mosi a wombile, a txi khene: ‘Mkoma, Txizimu txanu, a na mi humisela, hagari ka vananu, mprofeti wu a fanako ni nani, mi na mu engisa ka totshe ti a mi gelako tona;

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Mtuletelo 19:10

Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

Genesisi 12:3

Ni na katekisa wule a no kukatekisa, ni ruketela wule a no kueyisa. Ngu mhaka yako, ti nava ti txi katekiswa totshe tixaka ta ha mafuni.”

Mitengo 21:14

Ngu toneto, ku wombwako ngu tona amu ka dibhuku da Tiyimbi ta Mkoma, taku: “Vhahebhi ka Sufa, ni sinambwana sa Arinomi.

Dhewuteronome 1:45

Mi to tshumela mi txi dila masoni ka Mkoma; aniko Mkoma kha nga engisa tihuwa tanu, kambe kha nga komba kukhatala ngu nganu.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Isaya 8:17

Se ni na themba Mkoma wu a nga sisela khohe yakwe va nyumba ya ka Jakobe, ni na verela kwakwe.

Isaya 9:1

Aniko ditiko di di nga xomulwa kha di na mbi va ni txidema. Ngu timbimo to khata, Mkoma a vekile hahatshi ditiko da Zebhuloni, ni ditiko da Naftali; aniko ngu magwito a na guleta ditiko da Galileya ka vamatiko, di ku hafuhi ni nzila ya linene, mtxhatuko ka Jordhani.

Mika 5:6

Evo va na heta ditiko da Asiriya ngu ditxhari, ni ditiko da Nimirodhi, amu ka tinzila tawe ta hombe. Ngu kumaha keto a na hi hulukisa ka Asiriya, mbimo yile va nota ditikoni kwathu, ni mbimo yi va no ndaka mihingano yathu.

Marku 4:34

Kha womba mhaka kwawe, hahanze ka kumaha ngu sidinganiso. Se ngako va di phuho, a ti ti txhamusela totshe timhaka ka vagondiswa vakwe.

Johani 5:37

Nene Tate wu a nga ni ruma, a mahile wufakazi ngu ngani. Anu txima kha mi zivi kupfa dipswi dakwe, hambi ni kuwona txiemo txakwe ni ditshiku ni da dimwedo.

Johani 12:41

Isaya a wombile mapswi awa, nguko a woni kuphatima kwakwe, se e womba-womba ngu ngene.

Mithumo 3:18

Kambe Txizimu, ngu nzila yo nga tiya, txi lavile kutatisa ati txi nga songolela ku ti womba ngu txisofu txa votshe vaprofeti, atiya taku: Kristu a fanete kuxaniseka.

Mithumo 8:35

Sekoko Filipi a to tula txisofu, e khukhela ka wona m'bhalo wu wa dibhuku, e m'gela Evhangeli ya Jesu.