Luka 23:6 - Bhiblia Yo Sawuleka

⁶ Sekoko ngako a di engisile tiya, Pilato a to wotisa ti to Ene mbwa Galileya kani;

Luka 23:6 Referans Kwoze

Mithumo 5:37

Msana kwakwe ku humelete Judha wa Galileya ngu mbimo ya bhalela, se e ndinda vathu votala ve mu londetela, kambe nene a lovile, ni va va nga txi ema nayo va hangalasilwe votshe.

Luka 13:1

Ka txoneto txikhati va to humelela vathu va va nga mu xawutela mhaka ya va Galileya, avava Pilato a nga patanisela mnoha wawe kumweko ni mnoha wa timhamba ti va nga txi phaxa ngu tona.

Matewu 26:69

Ka yoneyo mbimo, Pedro a ti khalahatshile hahanze, digumani. Se mmweyo wa txithumi txa wamsikati a to tshuketa hafuhi kwakwe, a txi khene: “Anawe u ti kumweko ni Jesu wa Galileya.”

Luka 23:5

Aniko vona va to tamarisa va txi kha vona: “Ene wa kujetela vathu kuwusa vhilinganya, a txi gondisa ka dotshe ditiko da Judheya, kukhukhela Galileya, amuwa a nga khatela kona kala kuhoka hawa.”

Luka 23:7

Se a di engisile ti to Ene mbwa ditiko da kufumelwa ngu Herodha, a to m'rumela kwakwe Herodha, nga ngu hawa nene a nga txi maneka Jerusalema ka ona masiku ale.