Luka 23:44 - Bhiblia Yo Sawuleka

⁴⁴ Ngu txikhati txo lava kudingana ni txa wutxhanu ni tximwetxo, txidema txi to khubhunyeta dotshe ditiko kala txikhati txa wutxhanu ni mune,

Luka 23:44 Referans Kwoze

Matewu 27:45

Se kukhukhela ka txikhati txa wutxhanu ni tximwetxo kala ka txa wutxhanu ni mune, txidema txi to fenengeta dotshe ditiko.

Amosi 8:9

Ku na maheka taku, ka ditshiku dileya, kuwomba Mkoma; na maha ta ku ditambo diva hagari se mafu ma maha mtema ngu mbimo ya mitshikari.

Mithumo 2:20

Ditambo di na hinduka di maha txidema, mtxima wu na hinduka wu maha mnoha di sinzi kuhoka ditshiku da Mkoma, ditshiku da hombe do tala ngu wudhumo.

Matewu 27:52

Mathuna me tulekela, se mimidi ya vafi votala va kusawuleka, yi to wuka.

Johani 19:14

Se i ti ditshiku da kulongisela Pasika ngu mbimo ya kulava kuhoka ka txikhati txa wutxhanu ni tximwetxo. Se a to gela Vajudha, a txi khene: “Mfumeli wanu ndiyo!”

Marku 15:39

Se nduna ya dizana, yile yi nga ti emile masoni kwakwe, ngako yi di woni ti a nga fisa tona, yi to diwuka yi txi kha yona: “Ngu ditshuri awuwa m'thu i ti Mwanana wa Txizimu!”

Amosi 5:18

Dikhombo ka va va navelako ditshiku da Mkoma! Mi di lavela txani ditshiku di da Mkoma kani? Inava txidema, i si nga da kuwonekela.

Joyeli 2:31

Ditambo di na hinduka di maha txidema, se mtxima wu na maha mnoha, na di si se ta ditshiku da hombe da Mkoma.

Masalmo 105:28

Txizimu txi rumete txidema txi fenengeta Vaegipta, aniko vona kha va khatala ngu txiziviso txiya.